1Goe e madamada huoloo, go dogu aloho! O golomada e mmada mai haga humalia i lodo dau mee gahu golomada. Nia ngaahulu o do libogo e dehedehee gadoo be di hagabuulinga kuudi ma ga llele ia gi lala i di gili nia dama gonduu o Gilead.
2Oo niha e kene hila mmaa gadoo be nia siibi ala hua dogo dahi nadau gili, gaa lawa ga gaugau. Deai di niha ne doo ai, huogodoo e madatau hagahumalia.
3O malaungudu e hai gadoo be taula gahu mmee, koia e madanga i do madagoaa ma ga leelee. O gauwae e maahina mai i lodo dau mee gahu golomada.
4Doo uwa e labubudu ge malallali gadoo be di angulaa a David, mo dono hau uwa e hai gadoo be nia mee duuli e mana.
5Oo uu e hai gadoo be nia manu ‘gazelle’, nia hagahaanau ee e lua e miami i lodo di waa daladala.
6Au gaa noho i hongo di gonduu ‘myrrh’, di gonduu lolokala, gaa dae loo gi di angiangi magalillili o di luada ma ga iliili mai mo dono bouli e maa gi daha.
7Dogu aloho, goe e madanga huoloo, nia mee huogodoo i doo gili guu hai donu!
8Dagu ahina hai lodo, hanimoi gi daha mo nia gonduu Lebanon, gidaua gaa hula gi daha mo Lebanon. Gidaua ga kaga ia gi daha mo nia ulu di Gonduu Amana, mo di Gonduu Senir, mo di Gonduu Hermon ala e noho ai nia laion mono ‘leopard’.
Daahili Aloho 4
Daahili Aloho 4:1-8