Cantar de los Cantares 5:4-13

⁴An-sui yawagakgi-yaa-ollo-siidgi e-argan odosad. Deyob an daksagua, bela an-gwagese an-ebusad.

⁵An-suiga an yawagak-egaegala, yog gwisguar an imaksad. An-argangi mirra-wawadikid ariomaid, an-goomar-imbaba bela ariomaid, yawagak-eduedgi deemaknai gusad.

⁶An an-sui-nue-sabesailadga yawagak-egasgua, bar gwichisulid, an-idu naded. An-idu-nadedbali, an naibi itononikid. Aisaar an amisanad, an amissurgusad. An ese gornaigusbalinad, an-abin-imaksasurbalid.

⁷Agine geb, dulemar-nakulemalad nakuledimargua, an-aminonimalad. A-dulemala an-sarsononimalad, an-naibi-imaksamalad. Dulemar-galugi-nakulebukwad, sabsur-an-ibe mor esusmalad.

⁸Jerusalén-bunamala, ise-wilegagwar an bega sogmar. Bemar an-sui-nue-sabesailad-abingualile, ega be sogmalo, sui-abegedba an uelledye.

⁹Omegan-bamaladba-bur-yeerdakleged, be anmarga soge, “¿ibugi be-macheredde, machergan-bamaladgi obinsunna? ¿Ibugi obinsunna, emide be weyob anmarse egisnaigu?”

¹⁰An-sui-nue-sabesailad, machered-nued dakleged, e-uka sichisaar-daklebalid. Dule-miliambegwad-abargi (10,000) magasar dakleged.

¹¹An-sui-e-nono, or-nuedyob yeer dakleged. E-sailagia, sinni-sinni nikad, sikwisichidyob sichii gued.

¹²E-ibyamar-gwabogwad-daklegedi, nuumar diwar-gakanaba-simalayob dakleged, nunisgi-obsayob dakleged. E-ibyamar innikimakar bukwad.

¹³E-wagardi, wawadikid, ina-wawadikid egi digar-naiyobid. E-gakuli dutumar-daklegeyobid, agi mirra-nis egi dedemaknaiyobid.