Bumpaida 35

1

2

3

4

6

7

8

9

11

12

13

14

15

16

17

18

19

21

22

24

25

26

28

29

30

32

35

37

39

40

41

42

45

46

47

48

49

50

⁹Iakob bola Padan Aram bedewe wandie leulene bola debama Betelwa wiseno God me mampe segalene sau euda osowe itun.

¹⁰Ita God wanase, “E eboa ipa Iakob ebo sa tauma dialeide tane eboa sanaa ipa Israel.” Ita me ebowa ituna Israel.

¹¹Tane God me mampe wanase, “Ne ipa God Mukamukaua e otootoite obana uara segantopu do dana debamalepi ita uwa daitada segantopu. Tane mo bedeuwo isiwa warere segantopue apana oniamompa.

¹²Tane tawo umanawa ne Abraam ita Aisak sauamona ne e eneepa ita do e dana ando muntompa tawo ema wanamopa.”

¹³Sape God Iakob mampe gagaloleno dialeno ene alen.

¹⁴God gagalolena aupawa oso Iakob seu dauma wadene eindodene ita osowe wain memene pulowa God mampe itun ita do ia olib esapa memene en.

¹⁵Iakob God nata sape gagalotona baiwa bola sa ebowa Betel itun.

¹⁶Ema aupe Iakob bola Betel ene antoie andoma bola debama Epra bedewe wimopua Reitel oto dauwa eten. Ita oto mulepona babisane poka etaidasan.

¹⁷Me oto gamoa babisadio poka debamaia wisen ita oto muleidio oniedia iwa wanase, “Mai saitaa e oto mona gamosaana.”

¹⁸Tane walama sawo Reitel boida baiwaledie oto ebowa ituna Benoni. Tane me mamba otopa ebowa itune wanase, Beniamin.

¹⁹Sape Reitel boleno bola debama Epra intawa aleidia waiwe dobontoiena. Tane bola debama Epra ipa Beteliem ebowa tontawa.

²⁰Ita Iakob Reitel dobontoiena osowe seu dauma wadene eindoden. Mo seu sa ewompe me bowa insempa baiwa.

²²Tane Iakob obampa mona wisiawa uduudu 12.

²³Me manainapa Lea gamomona ipa: Ruben me Iakob otopa tautuwa, Simion, Liwai, Iuda, Isaka ita Sebulun.

²⁴Tane manainapa Reitel obaampa mona ebou ipa: Iosep ita Beniamin.

²⁵Tane Reitel nolawa iwa ebowa Bila obampa mona ipa: Dan ita Napitali.

²⁶Ita Lea nolawa iwa ebowa Silpa obampa mona ipa: Gad ita Asea. Mo ipa Iakob obampa mona bola Padan Aram bedewe waimoie muntona.

²⁷Tane Iakob leulene mamba Aisak mampe wisen bola Mamre, Kiriat Aba tampe. Bola sa tauma ebowa waia Ibron. Tane sape mapo Abraam Aisak nata ware rua waimoie.

²⁸Ita Aisak sape wandio enawa 180 waden.

²⁹Tane me wandio ena debamaia dialeno gulaulene boleno aleupa alen nosinosiwa mampo. Tane me obaampa Esau ita Iakob dobontoiena.