Text copied!
CopyCompare
Ina Sanaa Gagalowa - Bumpaida

Bumpaida 12

Help us?
Click on verse(s) to share them!
1Walama dea Iawe God Abram diene wanase, “Enawie tawoa, dana ita gombaa emoe ita bola ne waeuwaepo aie sape wana.
2Ita ne e dewaepo dana debamalepie uaralepi. Ita ne e dewaepo eboa debamalepi apana e saantopue wiwiraantopu ita e sau euda wadaana apana segaita. Ita e euda dewasana apana mampo.
3Ita apana mida dewa euda e manawo dewasampa ne sau euda mo osouwo itupa. Ita apana mida saua kadiwa e manawo wapua ne mo matangelamopa. E eboawo apana uduudu tawo osowe waimoia ne euwana mo osouwolepi.”
4Tane walama sawo Abram enawa 75 waden. Iawe God me diena rua me manainapa Sarai ita me wamba otopa Lot do bola debama Aran ene antoiena. Mo a baiwa nitu uduudu mo mampoa, pue ita do mo nolau dewala apanawa Aran bedewe waimoia do bola Kanaan bedewe anton. Ita mo Kanaan bolawa enentudenawo wimone,
6Abram ita me apanawa do nawane antone bola debama Sikem tampe bola More bedewe ia debama atowe saradounton. Walama sawo Kanaan apanawaida bola sa bedewe waimoie.
7Ita Iawe God Abram mampe segalene wanase, “Ne bola ema Kanaan e nosinosia wanamopa.” Sa baiwa Abram wata dewasan pue pulolempe sumpaa baiwa, ipawa Iawe God me mampe segalen.
8Ema aupe Abram alene wadi kerakera eneia bedeuwo bola debama Betel deneuwe ape wadene wain. Tane omo pamediawo Betel winede ita omo wiseidiawo sa ipa bola debama Ai winede. Sape me Iawe God wadaposisampaa watawa dewasane ita wadaposisan.
9Ita ema aupe Abram wanriasalene aleidie bola Negeb bolawa bedewe wisen.
10Tane bola Kanaan bedewe omana debamaia segaleno baiwa Abram Isibtiwa alen walama kerauda os wampia baiwa.
11Me Isibt bedewe odepia baiwaleidie manainapa Sarai diene wanase, “E i ewaewaa eudida.
12Ita Isibt apanawa e eweepue wapuase, ‘Ema apa me manainapa, ita mo ne boneapue aupe e wadeepue mampoepu.’
13Sa baiwa mo e dieempo waase, Me weanapa ne, mo epe etapue ne mainawo dewa euda dewasapue oniadewasaneapu ita mai boneapu.”