Bumpaida 11

1

2

3

4

6

7

8

9

11

12

13

14

15

16

17

18

19

21

22

24

25

26

28

29

30

32

35

37

39

40

41

42

45

46

47

48

49

50

¹Apana uduudu tawo osowe aia dea os winedio waie waimoie.

²Tane walama sawo apana omo wisedia deneuwe waimoia ene antone bola apuapuwa Sina bolawa bedewe waimoiena.

³Ita mo muba wawadiadiantone waienase, “Winleno awodeantate paka otamote sumoto badontopue seu wanantopuo mampe du wadata.” Ita mo epe dewantone du wadeiena ita ia bodipa mampe seu wadadomoiena du wadepidodepia baiwa.

⁴Ema aupe mo wane waienase, “Winleno no nuba bainimba bola debama dewasate ita du debama iwa dauma uba tampe wisepia wadata. No epe dewantate nuba ebomba debamasata ita do mai tawo osowe deaantata, dia.”

⁵Mo epe dewantoie waimoio Iawe God iene bola sa debama ita apana du wadeia ewamopia baiwa.

⁶Ita Iawe God wanase, “Apana ema dan dea baiwa aiau dea wai. Mo ema epe dewantono intalen ando ema epe dewakasantopu ita dima inseia dewasapua rua, mai dia.

⁷Sa baiwa winleno iate ane apana ema aia dea waie waimoia koakoamoto aiau rebalepio muba etakoantopu.”

⁸Sa baiwa Iawe God mo uduudu aia dea waie waimoia daberaramono tawo osowe deaantone bola sa dewasaia eiena.

⁹Iawe God apana uduudu aia dea waie waimoia daberaramono tawo oso deaantona baiwa bola debama sa ebowa Babel wane ituiena.

²⁷Tane ema ipa apana dea debama ebowa Tera obampa ebou reresawa. Tera ipa Abram, Nao ita Aran mambu. Ita Aran otopa ebowa ipa Lot.

²⁸Aran apana sanaa mamba do waimoie me mulena bolawa debama ebowa Ura tawo Kaldia bedewe bolen.

²⁹Ita mo sape waimoie Abram Sarai naisen. Tane me wamba ebowa Nao mo wambu ompa ebowa Aran anoopa Milka naisen. Tane Milka wamba ebowa ipa Isika.

³⁰Tane Abram manainapa Sarai aipoilena baiwa mai oto wadepia rua, dia.

³¹Tera otopa Abram ita me tawabinawa Sarai ita do me atawa Lot Aran otopa bola debama Ura tawo Kaldia bedewe waimoia ene bola Kanaan awa antoiena. Mo antoie into bola Aran bedewe wimone wankasanton.

³²Ita Tera bola debama Aran bedewe wandio enawa 205 wadedio bolen.