Text copied!
CopyCompare
Buk Baibel long Tok Pisin - Buk Song - Buk Song 30

Buk Song 30:2-8

Help us?
Click on verse(s) to share them!
2Bikpela, yu God bilong mi, na mi bin beten long yu helpim mi, na yu mekim mi i orait pinis.
3Bikpela, mi dai pinis na yu kirapim mi bek gen. Mi go daun pinis long ples bilong ol man i dai pinis. Tasol yu givim laip long mi gen.
4Yupela manmeri bilong God, yupela i mas singim song bilong litimapim nem bilong em. Tingim olgeta samting God i mekim na tenkyu long em.
5Em i save kros long sotpela taim tasol. Na em i tingting gutpela long yumi na i mekim gut long yumi olgeta taim yumi stap long graun. Aiwara i ken kam daun long nait, tasol long moningtaim bai yu amamas gen.
6Bipo mi stap gut tru na mi tok olsem, “I no gat wanpela samting inap long sakim mi liklik.”
7Bikpela, yu gutpela tumas long mi, na mekim mi i sanap strong olsem strongpela haus i sanap long maunten. Tasol taim yu hait long mi, pret i save daunim mi tru.
8Olsem na, Bikpela, mi singaut long yu. Mi beten strong long yu helpim mi.

Read Buk Song 30Buk Song 30
Compare Buk Song 30:2-8Buk Song 30:2-8