GWAY GI IDAWUU’D 30:2-8

²Ayy Tap̱a Arumgimis pem, aha/ gwona ’twa/ e /e gom mowoṯẖ mo, dhali /e wac̱ki aha/ mo be.

³Ayy Tap̱a, /e ’cwamkina aḵashiram pem ’pena Haawiya mo, dhali war aha/ mondiki/em pem is mo ’peni bwaman uni gwansan kun iikin ka luŋgu’b e jisa ’kulga/ mo.

⁴Yuḵi gway mmomaŋ Tap̱a mo, ayy um piti kun dhunu ki she/ ki dhelel dhelel mo, dhali c̱iyi a’borim bwa i is gom gway piti jin ḵogu mo,

⁵Haali/ anyor piti di’d mo hili jasi gom ari mo mo, dhali mii ma ’them piti a’di di’d ki sule/ sule/ mo. Ko jin gwonu a’di midi di gom mon’thiny mo tani hili moŋ’kuny bwa a’di p̱u’dki’d mon’thamo/ mo be.

⁶Haali/ me’d aha/ mo tani aha/ ona gwo e mom pem jin isha to ka enthus mo ki: Aha/ minu ’koki joc̱ ki sule/ mo.

⁷Ki mii ma ’them pini mo, ayy Tap̱a, /e ṯelki aha/ sho’k mo me’d ’kuwosha turga/ jin ’bitha’bi’th mo. /E bagki jis/em pini mo tani dhali aha/ merkina mo.

⁸E /e mo tani ayy Tap̱a, aha/ gwokina mo dhali e Tap̱a mo tani aha/ karkina mo jin di’buwa di’b is mo.