Bugagia Bidibo Kolesagade Po Asęai Buku 8:19-25

¹⁹Eno te augwalibolo mabo nai dabego te wiegi yai gol, me wiegi yai silva dabe te aiyaba mu elalubo dao.

²⁰Sesemane sogo eno te doloba pai kolesaga naga wali peyu, te po tų dolo odobo kolesaga naga wali pabo dao.

²¹Eno te wiegi yai nai hauwa mu te ena wei mu ebo bidi dabego sabobo madiba te pesage mu holaibao. Tama augwaligo te madi mu pągąna saibao.”

²²“Poloba polobadu mu, te Genuai Bidigo te nai dabe nigainu yali sogo, agai te ena bolo nigali. Tama nosali agai te gasa nai tigidali nigai dao.

²³Polobadu mu, te Genuai Bidigo tǫ nigisiąbadi, agai ena nigilama, tama ena bididuali.

²⁴Ena pedelali sogo, te Genuai Bidigo te tamu ąį me te ulu ąį dabe nigisiąbadi,

²⁵tama agai te genuai bulu du dabe me, te dwasianu bulu du dabe me nigilama augwa pesageba musiąbadi, te sogo ena pedelai dao.