Bugagia Bidibo Kolesagade Po Asęai Buku 7:15-26

¹⁵“Tama eno te ena be tagalama, tama eno te nage gege asali. Megi da, te eno nage sualio.

¹⁶Tama me eno bede te piabo wiegi yai bet dodolai elalubo. Eno te sawi wiegi yai sitbet te au yai te betde muani. Te sitbet dabe te Isipdu digibulu asai dao.

¹⁷Tama eno te haniani wiegi yai denami ebo pauda te betde gelali.

¹⁸Nage ena dali aselama, tama da si te gagali, me wiegi yai pemene sę ebo homu me idubadi, te be posolaibao,” wali.

¹⁹“Nage te eno bidide wi me igio. Aga te digibulu mu pelama, bidigi palio,

²⁰tama aga te polo tama me ma asogobeo. Magi baso meni, agai te mone hauwa aga dali sela peyu pai. Te Sande si pelama, tama te polua tomode, te aga ma asabo homu ebao.” Te wego te po wali.

²¹Te wego te aga homu bega sabo pusu yai po hauwa agabolo olama, tama aga haliga polo hodolali.

²²Te bidigo te wego po odolama, tama polo tama agai te we wali peyu, te beba pali, te augwaligo te bulmakau te elabo pesageba odasa pabo tiwai yali. Ma, te esela pabo kolesaga meni yai bidi te kalabus beba odasa pabo tiwai ebo dao.

²³Te bidigo te ene me deligo te aga dini homu enabo te agai me konebeo. Aga te ba me deli te wa elalubo pesageba bola pabo tiwai yali. Tama te bago me konesiąyu, te wago aga tola selama, tama aga te isabo te me konebeo.

²⁴Tialima, te ogomani dabe, dagego eno poba olo bugagia muiąo.

²⁵Dagego te duga haliga hogodama, te tobage we wali pomainu me igio. Augwali dali subigila pigio.

²⁶Magi baso meni, te bidi hauwa mu te tobage wego nogode isama, dolobo dao. Awe, augwali da, te genuai hani mu dao.