46Anôtô gêlic Dawid ŋajam, tec ŋac tau keteŋ gebe êtap gamêŋ teŋ sa ma êsuŋ Jakobnê Anôtônê andu teŋ sa êkô.
47Mago gêc e Salomo kêkwê Anôtônê andu tau.
48Tageŋ Lôlôc Ŋatau oc êŋgôŋ andu, taŋ sêgôm ŋa lemeŋ naŋ atom, êtôm propete kêsôm gebe
49‘Undambê kêtu ŋoc lêpôŋ ma nom kêtu ockaiŋ ŋakademboŋ. Apômtau kêsôm gebe Amac abe akwê aêŋoc andu amboac ondoc, me ŋoc gamêŋ, taŋ jaŋgôŋ tekoc saki êsaŋa naŋ, oc ênêc ondoc.
50Amac abe gêŋ totau-totau samob tonaŋ ŋai tauc lemoc gajam kauc me.’
51“Ojae amac, gêsômtêkwa ŋatoŋ ma nêm ŋalêlôm to taŋemsuŋ ŋadani atôm lau samuc. Amac akô Ŋalau Dabuŋ auc ŋapaŋ atôm tamemi tec amoa.
52Propete ondoc teŋ amac tamemi sêjanda eŋ atom. Ma êsêac sêjac lau, taŋ andaŋgeŋ seoc biŋ lasê kwanaŋgeŋ gebe ŋac gêdêŋ oc êmêŋ naŋ êndugac.
53Amac lau tau tonec tec êkêc biŋsu aŋga aŋelanêŋ, mago amasaŋ kêtu tôŋ atom.”
54Lau sêŋô biŋ tonaŋ e gêli nêŋ ŋalêlôm sa secanô ma sêmôê luŋluŋ eŋ.
Apostolo 7
Apostolo 7:46-54