46Godea ema obeägïsebegi ea Godema nabahalea, Na mosö afädë Yeigaba fii amolile ulimolöda dofealela nabi.
47Amala nabi gaso, Solomonoea Godeïe mosö uli.
48Amai gaso, Ilibia Edefade neebe ameada mosö naaboea uligida aligilo made nea. Bea säloea säi amo gadola,
49Dafidilo Geloia sähalea, Muda nïe beaha aligimolöïe filo dialeamelë. Amase, naga föida nïe emoea emosaia idala filo dialeamelë. Dilia ne namolöda mosö abodo gadoi olasimolö. Amase, ne hele fimolöïe fuda abidi dialea.
50Nelebo dibe goda sulubadela nïe naaboea hamoi madelela säila säla dëdëla negei dialeala säi.
51Aso, Sidibenia ilima sähamu nea sähalea, Dilile iso asigi geloifalï nebego, bobaeage gëheage asigi afädë made negei amo wälasi nebego. Gesami Hedabima habobahamu nebego. Dilida dilile diado amoli nelo amo gadoimu nebego.
52Bea sälo nefolalo amoligi afädë dilile diado amolia neala made sësa neloda nowë. Siiba dolö mogoifalï moholömelëla säladigi amolige ilia baagomäia nufudadigisa nelo. Amase, walio dilia dolö amo hololölahilä baagomäia nufimelë.
53Diligali Ado säla negei amo selesaia dolöma aulo negela ï amo dilia gaula nea, amo made hamolo nebego dilia amaila Sidibenia säi.
54Sidibenia ado säi amo nabalahilä, ilia edefade mihaläla ema bese ali nalëgëi.
Abosolo 7
Abosolo 7:46-54