Aposel 7:46-54

⁴⁶Dewid uqa Anut amegna me bileceb Anut uqa Dewidnu gale don. Uqa Jekobna Anut sisildon, ‘Hina cois tecemfi ija jo hina bilegannu cehihigen,’ don.

⁴⁷Euqa Solomon uqa jo eu cehiton,” aden.

⁴⁸“Euqa Anut Ohis Bahic uqa jo dana ceheginana qee bilina. Ge, Anutna je hahun madec dana odi maden:

⁴⁹‘Tibud madena, “Sao jobon eu ijana bilec bahim. Odocob maha eu ija jaimi mec cabal. Cel jo adec bahic ija cehitegan? Cel cudunna ija biligen?

⁵⁰Ceteteh cunug i ija ebenina mudem,” ena,’ en,” aden.

⁵¹“Age Anutna je toodoc dana qee! Age wawaga eu haiden dana cinigwe! Age dahiniga me je dah mecwe qee! Age jajanagail Kis Gun cahacdoloigwe eu odi age ha Kis Gun gaidgaid cahacdogina.

⁵²Age jajanagail Anutna je hahun madec dana cunug dewenega tuadein. Je hahun madec dana eu age madein, ‘Hibna Anut uqa uqana Dana Ititom Bahic egeca suldugian,’ ein eu age aqein. Odocob qila age Dana Ititom i age balijimeig qoin.

⁵³Anutna ensel Mosesna loo je adein eu age oin. Euqa age qee toodoloin,” aden.

⁵⁴Odocob cegulec dana je eu dah mimeig age gemanaga geh bahic beceb maimaga kicododoig gemanagaca mecidoin.