Apostolo 2:8-45

⁸Amboac ondoc tec taŋô êsêac sêsôm aêac tauŋ aweŋ, taŋ teneŋi sêkôc aêac ma tasôm naŋ.

⁹Lau Parta to Mede ma Elam, ma aêac, taŋ daŋgôŋ Mesopotamia to Judaia ma Kapadokia ma Pontu to Asia

¹⁰ma Prugia to Pampulia ma Aiguptu to Libua ŋagamêŋ Kurene ma lau, taŋ tamêŋ aŋga Rom naŋ,

¹¹Judawaga to lau lêŋŋa ma lau Krete to Arabia, aêac taŋô êsêac sêsôm Anôtônê gêŋtalô kapôêŋ ŋawae ŋa aêac tauŋ aweŋ.”

¹²Gêŋ tonaŋ gêjac êsêac samob naŋ Iênô auc e sêpê lêna ma sêsôm gêdêŋ tauŋ gebe “Gêŋ tonaŋ ŋam amboac ondoc.”

¹³Ma lau ŋagêdô sêsu susu gebe “Wain wakuc kêjaŋiŋ êsêac.”

¹⁴Tec Petere to êsêac lau 11 dêdi sêkô, go kêsôm kêpuc awa sageŋ gêdêŋ êsêac gebe “Judawaga to amac samob, taŋ aŋgôŋ Jerusalem naŋ, aê jawa biŋ tonec ŋam sa êndêŋ amac aŋô acgom.

¹⁵Amac abe lau tonaŋ wain kêjaŋiŋ êsêac me. Masigoc. Oc gocgo tec mêŋgic lauŋ sa kêkô.

¹⁶Tageŋ biŋ, taŋ propete Joel kêsôm naŋ, kêtu anô gebe

¹⁷‘Anôtô kêsôm gebe Êndêŋ bêc ŋamuŋa oc jakêc ŋoc Ŋalau êpi ŋamalac samob e latômio to ŋac oc seoc biŋ lasê, ma nêm ŋacseŋomi oc sêlic ŋakatu, ma amacnêm lau ŋanô oc sênêc mê.

¹⁸Êndêŋ bôc tonaŋ oc jakêc ŋoc Ŋalau êpi ŋoc sakiŋwagao to ŋac e seoc biŋ lasê.

¹⁹Ma oc jakêŋ gêŋsêga aŋga umboŋ Iôlôcŋa ma gêŋtalô aŋga nom eloŋŋa tonec ŋai, dec to ja ma jadauŋ.

²⁰Oc oc ênam kanuc ma ajôŋ êtôm dec, go Apômtaunê bêc kapôêŋ ma bêc towae tau mêŋêsa.

²¹Êndêŋ tônê lau samob, taŋ aweŋ gêjac Apômtaunŋ ŋaê naŋ, tec Anôtô oc ênam êsêac kêsi.’

²²“Amac Israelwaga, aŋô ŋoc biŋ tonec acgom. Anôtô kêwaka Jesu Nasaretŋa sa gedeŋ amac ŋa geŋ kapôêŋ to gêŋsêga ma gêŋtalô. Eŋ kêkêŋ Jesu gêgôm gêŋ tau gêmoa amac ŋalêlôm taôm ajalagac.

²³Anôtô taê gêjam ŋabiŋ to kêjala kêtu tôŋ kwanaŋgeŋ gebe êwi ŋac tau siŋ êsêp amac lemem. Amac akêŋ eŋ gêdêŋ lau-seseŋ-biŋsu-popocwaga sêjac eŋ kêpi kakesotau, tec kêtôm amac taôm ajac eŋ êndu.

²⁴Ŋac tau tonaŋ Anôtô kêgaboac eŋ su aŋga gêmac ŋaŋandaŋ ma gêŋu eŋ gêdi sa gebe gemacanô tau kêkôc eŋ tôŋ kêtôm atom.

²⁵Dawid kêsôm biŋ kêpi eŋ gebe ‘Aê galic Apômtau kêkô ŋoc laŋôcnêm gedeŋ tôŋgeŋ. Eŋ gêmoa aêŋoc anôŋa gebe jaku atom.

²⁶Amboac tonaŋ tec têtac ŋajam kêsa ma imbeloc kêtu samuc. Aê gamoa toôlic matê-matêgeŋ, mago kakêŋ matoc

²⁷gebe aôm oc ondec aêŋoc katuc êmoa lamboam atom ma aôm Ôkêŋ nêm ŋac dabuŋ ôli êtu palê atom.

²⁸Aôm kôtôc intêna jaŋgôŋ matoc jaliŋa gêdêŋ aê. Aôm oc ôkêŋ aê jamoa aôm laŋômnêm e têtac ŋajam ênam aê auc samucgeŋ.’

²⁹“O ŋoc lasitêwaac, aê gabe jasôm abeŋi Dawid nê biŋ ênêc awêgeŋ êndêŋ amac. Eŋ gêmac êndu ma sêsuŋ eŋ ma ênê sêô gêc aêac ŋalêlôm e gedeŋ galoc.

³⁰Ŋac tonaŋ eŋ propete teŋ ma kêjala biŋ, taŋ Anôtô kêsôm kêtu tôŋ kêpi eŋ gebe ‘Aô mnêm wakuc teŋ oc êŋgôŋ nêm lêpôŋ kiŋŋa.’

³¹Eŋ propete, tec gêlic biŋ, taŋ ocgo mêŋêsa naŋ kwanaŋgeŋ ma kêsôm ŋalô tonec kêpi Kilisi êndi saŋa gebe ‘Anôtô gedec eŋ gêmoa lamboam atom ma eŋ ôli kêtu palê atom.’

³²Ma Jesu tau tec Anôtô gêŋu eŋ gêdi sa ma aêac lau samob tonec alic geŋ tau asôm lasê.

³³Anôtô kêsuŋ eŋ sa jagêŋgôŋ ênê anôŋa, ma Jesu kêkôc Ŋalau Dabuŋ aŋga Tamanê kêtôm Tama gêjac mata gêdêŋ eŋ naŋ, meŋkekec tec amac alic to aŋô.

³⁴Dawid tau kêpi undambê gêja atomgeŋ, mago kêsôm gebe ‘Apômtau kêsôm gêdêŋ aêŋoc Apômtau gebe Ôŋgôŋ aêŋoc anôŋa

³⁵e jakêŋ aômnêm ŋacjo sênêc amkaiŋ ŋalabu acgom.’

³⁶“Amboac tonaŋ lau Israel samob sêjala ŋanôgeŋ acgom gebe Jesu tau, taŋ amac ajac eŋ kêpi kakesotau naŋ, Anôtô kêkêŋ eŋ kêtu Apômtau to Kilisi.”

³⁷Sêŋô biŋ tonaŋ e kepeŋ êsêacnêŋ ŋalêlom ŋanô ma sêsôm gedeŋ Petere to aposolo ŋagêdô gebe “O lasitêwaac, aêacmêŋ oc aŋgôm tauŋ amboac onclocgeŋ.”

³⁸Tec Petere kêsôm gedeŋ êsêac gebe “Anam taôm ôkwi ma sensaŋgu amac sênam Jesu Kilisi laŋô êtômgeŋ gebe êsuc amacnêm sec ôkwi, go Anôtô êkêŋ Ŋalau Dabuŋ êndêŋ amac êwac.

³⁹Gebe Anôtô gêjac mata biŋ kêpi amac to nêm ŋapalê ma êsêac lau gamêŋbômŋa samob, kêpi êsêac samob, taŋ Apômtau, aêacnêŋ Anôtô, kêkalem êsêac naŋ.”

⁴⁰Ma Petere gêwa sa to gêjac biŋsu êsêac ŋa biŋ ŋagêdô gwalêkiŋ gebe “Akêŋ taôm andêŋ Anôtô gebe ênam amac kêsi aŋga lau geo tonaŋ nêŋ.”

⁴¹Lau taŋ sêkôc Peterenê biŋ sa naŋ, sêliŋ saŋgu. Ma gêdêŋ bêc tonaŋ lau amboac 3,000 jasêwiŋ gôlôac.

⁴²Lau tonaŋ ŋai sêmasaŋ aposolonêŋ mêtê to biŋ sêmbiŋ tauŋ tôŋŋa ma sêpô polom kêkôc to teteŋ mec. Sêgôm gêŋ tonaŋ gedeŋ tôŋgeŋ.

⁴³Êsêac samob têntac ŋatutuc, gebe aposolo sêgôm 0gêŋsêga to gêŋtalô taêsam.

⁴⁴Ma êsêac, taŋ sêkêŋ, gêwiŋ naŋ, samob sêŋgôŋ sêwiŋ tauŋ ma sêwê kaiŋ nêŋ gêŋ samob sêpi tageŋ.

⁴⁵Êsêac sêkêŋ nêŋ waba to gêŋ lau sêjam ôli ma sêjac sam ŋaawa gêdêŋ lau samob kêtôm sêpô lêna tauŋ gêdêŋ-gadêŋgeŋŋa.