Apostolo 20:25-31

²⁵E zae boꞌaḡano Badiꞌaꞌa vaze zuhiꞌaziꞌuma hariḡa harame ragavido. Ḡianoꞌi! Izidi e edeḡa, zae niduꞌa irahe mene bare horoniꞌuma.

²⁶Eꞌanoꞌo eḡeꞌa izidi ꞌada rae fureneꞌohe. Zaeꞌa ḡabone ibiḡa daunine zuni, e mene debahiꞌuma,

²⁷mazaḡa Badiꞌaꞌa zaeꞌa haḡaoga urateꞌeteꞌe ḡoeꞌa niduꞌa rae fureno ziniro.

²⁸Eꞌanoꞌo ḡae ḡaeꞌa ḡae bare duguꞌeꞌenoꞌi, zu ekalesia azaḡa niduꞌa duguzeꞌenoꞌi! Zeꞌe Vine Zaḡoḡaniꞌa ꞌevorezeo tiro, zaeꞌa ḡiazeꞌenoga radu. Ebu mamoe narineꞌeteꞌe teige, Badiꞌa ekalesia azaḡa narizoꞌi! Zeꞌe Badiꞌaꞌa ubuga ru hina meiroteꞌe azaḡa.

²⁹E edeḡa eḡeꞌa muhiziteꞌe enogano, ḡuriro haramo vazeḡa ꞌahoga ꞌahoganiꞌa agire ḡuniḡa teige zae boꞌaḡano diuḡiꞌuma, ebu ḡaboneze manoḡa sausaune huniꞌuma.

³⁰Zuni zae boꞌaḡanonoꞌo vaze nuꞌa iḡunadu, huga ḡoeꞌa veꞌone ihoziꞌuma, ebu Zuhiꞌa Boro tahiꞌa tahiꞌa zamaze aꞌuma, zeḡe hegotoga veize.

³¹Eꞌanoꞌo duguꞌeꞌenoꞌi! Eḡeꞌa muri uḡidu zamaḡano madai zu ohere niduꞌa nihe vuḡa soneꞌenaꞌa, zae zae ihozidoteꞌe zamareꞌenoꞌi!