Boskopuman 20:25-31

²⁵Now mi sabi tak' no wan fu unu di mi kon ferteri fu a fasi fa Gado wani tiri libisma, o si mi moro.

²⁶Fu dat'ede mi e taigi un tide tak' a no mi frantwortu moro efu un go lasi.

²⁷Bika mi no hori noti na baka, ma mi ferteri unu ala sani san Gado ben wani fu un sabi.

²⁸Sorgu tak' un e luku bun fa un e tyari unsrefi nanga ala den bribisma. A Santa Yeye poti unu leki sma di e tiri a gemeente, èn A gi unu a frantwortu fu sorgu gi a gemeente fu Gado di A bai nanga a brudu fu En Manpikin.

²⁹Bika mi sabi tak' te mi gwe, sma o kon na unu di gersi krasi tigri èn den o pruberi fu pori a gemeente.

³⁰Sma o opo na un mindri di o taki sani di no tru, fu hari den bribisma kon na den baka.

³¹Un mus tan na ai, èn un no mus fergiti tak' na dri yari langa mi sori ibriwan fu unu fa fu tyari ensrefi. Mi du dati dei nanga neti èn nanga furu watra ai.