Aposolo Jaŋere Binaŋ 27:13-17

¹³Eme râpefuŋ‐nâŋeckonec mâŋâŋ burec burec mac qame wokeŋic raniŋte murâ aŋga fârepie wefume Kreta nuc heririŋkerâ rambeŋ.

¹⁴Raha rahapene nuckonec mâŋâŋ hâhâwicne ʒâŋene kagu,

¹⁵izi qahuc woke qâtuŋkeme bâpieku behepie qâso bâsoriewec.

¹⁶Eku nuc piticne moc ʒâŋene Kauda, irec ŋifecnao rahapene woke gombazi hâwecko huzo eme

¹⁷gie sâko baku fârepene woke faio fewec. Erâ woke fâuckezacte repazi rowaŋauckehuc bândeŋnembeŋ. Eme haroŋaŋ moc ʒâŋene Siriti, ira fenʒipeŋte rac fârepie wahame mâŋâŋzi qâsoriec‐nâpome rambeŋ.