A Umana Kakailai 58:1-9

¹Kai nina i lue ra kakailai; a tiun Al-Tasket; a Miktam kai David. Avat a umana ngalangala, a dovot ava varkurai takodo? Dave, ava kure vadovot vang ra umana natu i ra tarai?

²Pata, ta ra bala i vavat ava nuk upi ra varpiam, A lima i vavat i tibe ra rakarakan a gunagunan ma ra mangamangana vinarubu.

³A umana tena varpiam dia vana rara; di kava diat damana. Ba di kava diat dia vana rara muka, ma dia vavaongo.

⁴Kadia taring i da ra taring na vui; Dia da ra kaina vui a vaut, nina i tabonot ra talingana,

⁵Ma pa i torom ta ra nilai ra tena vamaram vui, Ma ona i mal bulu kana papait, pa i torom bula.

⁶God, una rubat bubur ra pal a ngie i diat, Luluai, una rubat vue ra ngala na pal a ngie i ra umana leon.

⁷Boina diat a panie da ra tava i ulur; Ba i al vaninare kana pu, boina ba na da i tabubur.

⁸Boina ba diat a da ra demdem nina i polo ko ma i panie; Ma da ra bul ba ra vavina i kava pit ia, ma pa i gire ra keake.

⁹Kavava umana kabala pa dia malamalapang boko, Ma ba ra kirip i kalamana boko, a kulot na kap vue diat ma ra kalivuvur.