La Bu 58:1-9

¹Vaihom ho nanghon thutah kiti hi ipi kisei na ahi nahetu hinam? Nang hon thu adih’anatan’u hinam?

²Ahipoi! Nang ho’n na lungsungun thudihlou na gong’un gamsunga hunam a natohna ngen na chelhehsah un ahi.

³Miphalou ho hi chonsesa peng’aahiuvin, ahung pen’uva pat’injou apan’un ama deidan cheh’inachon’un ahi.

⁴Ama hon gul bangin gu hat tahalhao vin; gulsoh bang in thuhilangainom pouve.

⁵Gullamsahhonatheile’uichan geija amut ngeisel vang unakihetmosah un ahi.

⁶O Pathen a-ha uhi suhbongjeng’in, O Pakai hiche keipi bahkaiho hi a-ha’u suhgoi peh jeng’in.

⁷Tolgo’a twi isunlhah a agotloijibang’in mangthah loi jeng’u hen. Akhut uva achoi u agalmanchah’uchu manmo sosah jeng’in.

⁸Dahdeng amacham’a ajunlhahji bang’in junlhahsah’in, naosenathisa hung peng nisa mumanloubah sah in.

⁹Hampa kisatlha bang in atehakhang Pathen in lhamlha jenguhen, leibel meikou lah a ling lekhao kigouvam sang a gang jo jeng u hen.