A Umana Kakailai 28:1-6

¹Kai David. Luluai, ina kail tadav u; U kaugu vat ki, koko una vaut kan iau; Kan ba una ki mut tagu, Ina vardada ma diat dia kuba ta ra tung na minat.

²Una valongore kaugu nilul vovo ba iau kail u, Ba iau tulue ra limagu urama tadav ra kubam i tabu kakit.

³Koko una tak vue iau varurung ma ra umana tena varpiam, Ma varurung ma ra umana tena pait ra kaina, Nina dia tata na malmal ma ra umana talai diat, Ma ra bala i diat i kaina ka.

⁴Una balbali ta diat da i topa kadia papalum, Ma da i topa bula kadia kaina mangamangana; Una bali ra papalum na lima i diat ta diat, Una tul tar ra vapuak ta diat ba i topa diat.

⁵Tago pa dia nuk pa ra lavur papalum kai ra Luluai, Ma ra bibili na limana bula pata, Na re vue diat, ma pa na vatur diat mulai.

⁶Da pite pa ra Luluai Tago i tar valongore kaugu lavur nilul vovo.