Womusu 28:1-6

¹Dɑfidin womu. Yinni Gusunɔ, wunɑ nɑ wuri koosimɔ. Wunɛ wi ɑ sɑ̃ɑ nɡe nɛn kpee bɑɑ mi nɑ rɑ kuke, ɑ ku mɑn duɑri. Domi ɑ̀ n mɑɑri mɛsum, ko nɑ n sɑ̃ɑwɑ nɡe wi u ɡɔɔ dɔɔ.

²Nɑ̀ n nɔmɑ yiiyɑ nɑ kɑnɑru mɔ̀ sɑ̃ɑ yee dɛɛrɑ ten mi, ɑ nɛn kɑnɑru swɑɑ dɑkio.

³A ku mɑn ɡɑrisi tiɑ kɑ tɔn kɔ̃sobu, kɑ be bɑ mɑɑ kɑ ben winsim ɡɑri mɔ̀ nɡe kĩru, ɑdɑmɑ ben ɡɔ̃ruɔ kɔ̃sɑ yɑ yibɑ.

⁴A bu ben kookoosun ɑre wɛ̃ɛyɔ nɡe mɛ yi nɛ. Ye bɑ ɡɑbu kuɑ, ɑ de yu wɔri ben wirɔ.

⁵Domi bɑ ǹ ɡɑrɑ ye wunɛ Gusunɔ ɑ mɔ̀. Yen sɔ̃, ɑ bu kɔsukuo kpɑ bu ku rɑɑ mɑɑ se.

⁶Yinni Gusunɔ, wunɑ kon siɑrɑ, domi ɑ rɑ nɛn kɑnɑru nɔ.