2 KING TAUDIA 12:14-20

¹⁴Badina unai moni be Lohiabada ena Dubu Helaga hanamoa lou gaukara sibona totona, bona gaukara taudia dekenai idia henia.

¹⁵Unai moni edena bamona idia gaukaralaia, be idia henia taudia dekena amo idia tahua lasi, badina be idia ese unai moni idia gaukaralaia, mai maoromaoro bona momokani danu.

¹⁶To kara dika totona bouboudia bona kara kerere totona bouboudia moni be Lohiabada ena Dubu Helaga dekenai idia atoa vareai lasi. Unai moni be hahelagaia taudia edia.

¹⁷Unai neganai Hasaele, Suria ena king, be ia lao, Gata hanua ia tuari henia, bona ia abia. To Hasaele be Ierusalema dekenai ia raka lao, do ia tuari henia totona neganai,

¹⁸Ioasa, Iuda ena king, ese harihari gaudia helagadia ibounai, Iehosapata bona Iehorama bona iena tamana Ahasaia, Iuda ena king, ese Lohiabada dekenai idia henia gaudia, bona ia ese ia henia gaudia, bona Dubu Helaga, bona king ena ruma lalonai ia noho golo ibounai be king Hasaele dekenai ia siaia lao. Unai neganai king Hasaele ese iena tuari taudia Ierusalema dekena amo ia hakaudia lao siri.

¹⁹Ioasa ena kara orena, iena kara ibounai, be Iuda Ena King Edia Sivarai Buka lalonai idia torea vadaeni.

²⁰King Ioasa ena hesiai taudia be idia toreisi, Ioasa do idia alaia mase totona dala idia tahua. Vadaeni idia ese Milo kohoro dekenai, Sila dekenai ia diho lao dala ena badinai Ioasa idia alaia mase.