1 Manghai 4:2-15

²Te vaengah anih kah mangpa rhoek he, khosoih Zadok capa Azariah,

³Cadaek Shisha ca rhoi Elihoreph neh Ahijah, khokhan aka khoem Ahilud capa Jehoshaphat,

⁴Caempuei sokah Jehoiada capa Benaiah neh khosoih Zadok neh Abiathar,

⁵A sola ka pai Nathan capa Azariah, manghai kah olrhoep khosoih Nathan capa Zebud,

⁶Im hman kah Ahishar neh saldong sokah Abda capa Adoniram,

⁷Solomon taengah Israel pum yueng la aka pai rhoek he hlai nit lo tih manghai neh a imkhui te a cangbam uh. Cangbam ham te kum khat khui hla khat ah pakhat a om pah.

⁸Amih ming he Ephraim tlang ah Benhur,

⁹Makaz, Shaalbim, Bethshemesh neh Elonbeth ah Deker capa,

¹⁰A taengkah Arubboth, Sokoh neh Hepher khohmuen pum ah Hesed capa,

¹¹Dore khamyai pum ah Abinadab capa. Solomon canu Taphath te anih kah yuu la om.

¹²Taanakh, Megiddo neh Bethshan boeih, tekah hmatoeng Zarethan kungdak kah Jezreel hil, Bethshan lamloh Abelmeholah hil, rhalvangan kah Jokmeam hil he Ahilud capa Baana,

¹³Ramothgilead ah Geber capa tih, Gilead ah Manasseh capa Jair kah vangca rhoek he khaw anih kah, Bashan ah Argob paeng, vongtung puei neh rhohum thohkalh khopuei sawmrhuk khaw anih kah,

¹⁴Mahanaim ah Iddo capa Ahinadab,

¹⁵Naphtali ah Ahimaaz tih, anih long khaw Solomon canu Basemath te a yuu la a loh.