Awulɑɑ I 4:2-15

²Ɩ wɑɑlɩ nyǝ́mɑ hǝlɑ nɑ pɑ tǝmɑ ntɔ. Sɑtɔkɩ pǝyɑlʋ Asɑliyɑ kɛlɛ kɔtʋlʋ.

³Sisɑ pǝyɑlʋ Ɩliholɛfɩ nɑ Ahiyɑ pɛlɛɣɛlɛ tɑkǝlɑsɩ ŋmɑɑlɑɑ. Ahiluti pǝyɑlʋ Yosɑfɑtɩ kɛlɛ tɑkǝlɑsɩ sɩɩlʋ.

⁴Yoyɑtɑ pǝyɑlʋ Penɑyɑ kɛlɛ yoolɑɑ wulɑʋ. Sɑtɔkɩ nɑ Apiyɑtɑɑ kɛlɛ kɔtǝlɑɑ.

⁵Nɑtɑŋ pǝyɑlʋ kɑncɑɑlɑɣɑ nyǝŋ Asɑliyɑ kɛlɛ kʋmɑtɑŋnɑɑ nyʋɣʋ tʋ. Nɑɑlɛ nyǝŋ Sɑpu kɛlɛ wulɑʋ kʋpɑɣɑlʋ.

⁶Ahisɑɑ kɛlɛ kɑwulɑɣɑ tǝyɑɣɑ nyʋɣʋ tʋ. Apitɑ pǝyɑlʋ Atonilɑm kɛlɛ tǝlɑsɩ tǝmɑ nyʋɣʋ tʋ.

⁷Sɑlʋmɔŋ kɑ wɛnɑ kʋmɑtɑŋnɑɑ nyʋɣʋ nyǝ́mɑ kɛ nɑɑnʋwɑ nɑ nɑɑlɛɣɛ Ɩsɛɣɛlɩ tɛtʋ tǝnɑ tɑɑ kɛ́. Pǝ wɛɛ sɩ pɑɑ wei ɩ́ cɛlɑ wulɑʋ nɑ ɩ kɑwulɑɣɑ tǝyɑɣɑ nyǝ́mɑ pɑ ɩsɔtʋ kʋlʋm tɔɣɔnɑɣɑ kɛ pǝnɑɣɑ tɑɑ.

⁸Hɑlɩ pɑ hǝlɑ nɑ pɑ tɛtʋnɑɑ hǝlɑ ntɔ. Huuu pǝyɑlʋ kɛ́ Ɩfǝlɑyim pɔɔŋ tɑɑ.

⁹Teke pǝyɑlʋ kɛ́ Mɑkɑtɩ, nɑ Sɑɑlǝpim, nɑ Pɛtɩ-Sɛmɛsɩ, nɑ Ɩlɔŋ-Pɛtɩ-Hɑnɑŋ tɛtʋ tɑɑ.

¹⁰Hɛsɛtɩ pǝyɑlʋ kɛ́ Alupotɩ ɩcɑtɛ tɑɑ. Ɩ́lɛ́ ɩ kɑ tǝnnɑ Soko nɑ Hefɛɛ tɛtʋ tǝnɑ.

¹¹Apinɑtɑpɩ pǝyɑlʋ kɑ tǝnnɑ ntɛɣɛ Tɔɔɔ pɔɔŋ hɔɣɔlʋɣʋ tǝnɑ. Ɩ́lɛ́ ɩ kɑ kpɑɣɑnɑ Sɑlʋmɔŋ pɛɛlɔ Tɑfɑ.

¹²Ahiluti pǝyɑlʋ Pɑɑnɑ kɑ tǝnnɑ Tɑɑnɑkɩ, nɑ Mekito, nɑ Pɛtɩ-Seyɑŋ tɛtʋ tǝnɑ. Hɔɣɔlʋɣʋ ŋkʋ kʋ kpǝtǝnɑ Sɑɑtɑŋ kɛ Sisilee tɑpʋɣʋ tɛɛ kɛ́ pǝ kpɑɣɑʋ Pɛtɩ-Seyɑŋ tɔ, nɑ pǝ́ polo Apɛɛlɩ-Meholɑ, hɑlǝnɑ Yɔkǝneyɑm.

¹³Lɑmɔtɩ tʋ Kepɛɛ pǝyɑlʋ kɑ tǝnnɑ Kɑlɑɑtɩ tɛtʋ tǝnɑ, nɑ Mɑnɑsee pǝyɑlʋ Yɑyii ɑcɑlisi tǝnɑɣɑ Kɑlɑɑtɩ tɛtʋ tɑɑ, nɑ Alǝkɔpɩ hɔɣɔlʋɣʋ kɛ Pɑsɑŋ, nɑ pǝ koloosi ɑcɑlɛɛ sɔsɔɔnɑ nɩɩtoso, wenɑ pɑ tǝkɑ nyǝɣǝtʋ kʋsɛɛmtʋ tɔ.

¹⁴Itoo pǝyɑlʋ Ahinɑtɑpɩ tǝnnɑ Mɑhɑnɑyim tɛtʋ.

¹⁵Asimɑɑtɩ tǝnnɑ ntɛɣɛ Nɛfǝtɑli tɛtʋ, ɩ́lɛ́ ɩ kpɑɣɑ tɔtɔɣɔ Sɑlʋmɔŋ pɛɛlɔ lɛlʋ Pɑsǝmɑtɩ.