1 Kings 4:2-15

²irera’ e pi tolang ni yad bay u tan pa’: En ni prist: Azariah nib mo’on ni fak Zadok

³Tayol u kort: Elihoreph nge Ahijah, ni l’agruw i pumo’on ni fak Shisha En ma cha’riy babyoren ban’en: Jehoshafat nib mo’on ni fak Ahilud

⁴En nib ga’ ko salthaw: Benayah nib mo’on ni fak Jehoyada Prist: Zadok nge Abiathar

⁵En th’abi ga’ u fithik’ fa pi’in yad bay u tan pa’: Azariah nib mo’on ni fak Nathan Tafnow rok e en pilung: Zabud ni prist nib mo’on ni fak Nathan

⁶En nib milfan e pi tapigpig nu lan tafen pilung ngak: Ahishar En nma gagiyegnag e tin th’abi gel e maruwel: Adoniram nib mo’on ni fak Abda

⁷Me mel’eg Solomon ragag nge l’agruw i pumo’on ni ngar manged owchen e am ko yungi nug nu lan yu Israel. Yad e ngu’ur pi’ed e ggan u lane yungi nug rorad ni fan ngak e en ni pilung nge chon e tabnaw rok, ra reb fapi pumo’on ma ireram e maruwel rok u reb e pul u lan reb e duw.

⁸Ba’aray fithingan e re ragag nge l’agruw i tolang ney nge yungi nug ni bay u tan pa’rad: Benhur: Efraim ni go’ burey

⁹Bendeker: fapi binaw nu Makaz, Shaalbim, Beth Shemesh, Elon, ngu Beth Hanan

¹⁰Benhesed: fapi binaw nu Arubboth ngu Sokoh nge ga’ngin yu Hefer

¹¹Benabinadab, ni i leengiy Tafath ni be’ ni bpin ni fak Solomon: ga’ngin e nug nu Dor

¹²Baana nib mo’on ni fak Ahilud: fapi binaw nu Taanak, Megiddo, nge ga’ngin yang e nug u charen yu Beth Shean, nib chugur ko fachi binaw nu Zarethan, ni bay nga yimuch ko fachi binaw nu Jezreel, me yan nge taw ko fare binaw nu Abel Meholah nge fare binaw nu Jokmeam

¹³Bengeber: binaw nu Ramoth u Gilead, nge fa yochi binaw nu Gilead nib milfan ngak fare ke girdi’ rok Jair, ni be’ ni owchen Manasseh, nge nug nu Argob u Bashan, nel’ i ragag e pi binaw ni gagang’ nem, ni kan ubung e rungrung riy nib tolang ni fan ko mael, ni yuley i wasey ni bronze e bay ko garog riy

¹⁴Ahinadab nib mo’on ni fak Iddo: nug nu Mahanaim

¹⁵Ahimaaz, nike le’engiy Basemath, ni ku reb e bpin ni fak Solomon: gin tafen Naftali