1 Kings 2:9-21

⁹Machane ri dab mpag nge par ndab ni gechignag. Ga manang e n’en ni ngam rin’, thingar mu guy rogon ngan li’ ngem’.”

¹⁰Me yim’ David min k’eyag u lan fare Binaw rok David.

¹¹I mang pilung u Israel ni aningeg i ragag e duw, medlip e duw e gagiyeg u lan yu Hebron ma guyey nge dalip u lan yu Jerusalem.

¹²Me yan Solomon nga luwan David ni chitamngin nge pilung; me par gelngin nib mudugil nrogon e pilung.

¹³Ma aram e Adonijah nib mo’on ni Haggith e chitiningin, e yan i guy Bathsheba, ni chitinngin Solomon. Me fith Bathsheba ngak, ni ga’ar, “Mog, kay gu mub ni ngam fingichiyeg?” Me fulweg, ni ga’ar, “Errogon.”

¹⁴Mi ul ul ngay, ni ga’ar, “Bay ban’en ni nggu ning ngom.” Me fith, ni ga’ar, “Ba mang?”

¹⁵Me fulweg Adonijah ni ga’ar, “Ga manang ni susun e gag e nggu mang pilung ma gubin piyu Israel ni ku aray rogon ni ur leam niged. Machane gathi aray rogon nike yan i aw, ya en ni walageg ni pumo’on e yib i mang pilung ni bochan e aram rogon ni ba’adag SOMOL.

¹⁶Ma chiney e bay ta’ab n’en ni nggu ning; wenig ngom dab mu siyegneg.” Me fith Bathsheba ni ga’ar, “Ba mang?”

¹⁷Me fulweg fare mo’on, ni ga’ar, “Wenig ngom mu ning ngak Solomon ni Pilung — gu manang ndabi siyegem — ni nge pi’ Abishag, ni fare rugod nu Shunem nggu le’engiy.”

¹⁸Me fulweg fare pin, ni ga’ar, “Kefel’, bay gu non ngak e en pilung ni fan ngom.”

¹⁹Ma aram me yan Bathsheba ngak e en pilung ni nge non ngak ni pa’ Adonijah. Me sak’iy fare pilung ngalang ni nge nang salpen e chitiningin me siro’ ngak. Ma aram me par nga chiya rok ntagil’ e pilung, me yog ngan fek reb nge par e chitiningin nga daken u ba’ ni mat’aw rok.

²⁰Me ga’ar Bathsheba, “Bay bochi maray rog ngom; wenig ngom dab mu siyegneg.” Me fith Solomon, ni ga’ar, “Chitinag, ba mang? Dab gu siyegem.”

²¹Me fulweg, ni ga’ar, “Mu pag walagem i Adonijah nge fek Abishag nge le’engiy.”