1 King 7:41-44

⁴¹Ol samting Huram i bin wokim i olsem. Tupela bikpela longpela pos bras na tupela raunpela het bilong pos, na ol samting olsem umben bilong bilasim het bilong pos.

⁴²Na em i wokim 400 piksa bilong pikinini pomigranet, bilong pasim long ol umben i raunim het bilong tupela pos. Wan wan pos i gat tupela lain pomigranet i stap long het bilong en.

⁴³Na em i wokim ol 10-pela wilkar na ol 10-pela tang wara bilong putim long ol wilkar,

⁴⁴na dispela bikpela tang wara na ol 12-pela bulmakau man bilong karim dispela tang.