ᤛᤣ᤺ᤰᤕᤢᤰᤔᤡᤒᤠᤜᤠ᤹ 9:38-41

³⁸ᤈᤥᤵᤐᤠ ᤕᤧᤰᤕᤰᤁᤡᤴ ᤗᤡᤍ᤻ᤍᤠ ᤕᤧᤰᤕᤰᤗᤠᤶ ᤔᤧᤔᤠ᤺ᤰᤂᤧᤴ. ᤜᤧᤰᤁᤣ᤺ᤸᤗᤧ ᤜᤢ᤹ᤛᤠᤶᤒᤠᤜᤠ᤹ᤖᤧ ᤐᤋᤪᤢᤛᤧᤴ ᤗᤡᤍ᤻ᤍᤠᤀᤥ ᤘᤠ᤹ ᤁᤧᤗ᤹ᤒᤠ ᤔᤧᤄᤧᤵᤛᤢᤀᤠᤱ ᤏᤧᤵᤑᤢ ᤔᤏᤠᤜᤠ᤹ ᤁᤢᤗᤠ᤺ᤛᤧ ᤔᤧᤒᤠᤱᤄᤢᤛᤡᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤣᤛᤧᤳᤇᤡᤀᤠᤱ ᤐᤋᤪᤢᤛᤧᤴ. “ᤀᤠᤍᤠᤱᤒᤣ. ᤜᤠᤖᤠ᤹ ᤈᤥᤵᤐᤠᤀᤥ ᤑᤧᤖᤧ᤹ᤀᤥ.” ᤔᤧᤳᤋᤧᤇᤢᤖ ᤐᤣᤗᤡ ᤑᤠᤰᤋᤧᤳᤇᤢᤖᤥ॥

³⁹ᤂᤧᤸᤗᤧ ᤆᤥᤃᤢᤸᤗᤧ ᤐᤋᤪᤢᤛᤧᤴᤏᤠᤱ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤂᤧᤱᤜᤠ᤹ᤏᤢ ᤈᤥᤵᤐᤠᤀᤥ ᤐᤣ॥ ᤜᤧᤰᤁᤩᤠᤱ ᤂᤧᤵᤔᤥ ᤁᤧᤖᤧᤏᤢᤔᤧ᤺ᤴᤏᤣ ᤂᤢᤏᤧ᤹ ᤌᤥ᤺ᤛ᤻ᤔᤠ ᤕᤠᤰᤑᤠᤀᤥ ᤔᤧᤍᤣ᤹ᤖᤢ॥ ᤂᤧᤵᤔᤥ ᤔᤣᤔᤣᤍᤢᤔᤠᤜᤠ᤹ ᤐᤋᤪᤢᤛᤖᤧ ᤁᤢᤄᤡᤖᤡ ᤔᤧᤕᤧᤒᤧᤀᤠᤱ ᤍᤥᤖᤁᤠᤛᤖᤧ ᤁᤢᤜᤡᤱᤘᤧᤳ ᤘᤕᤧᤸᤗᤧ ᤋᤕᤢᤒᤠ ᤋᤣ᤺ᤵᤑᤢᤱᤜᤠ᤹ ᤀᤥᤛᤣ᤺ᤴᤔᤧᤎᤠᤰᤋᤢᤖ ᤔᤧᤜᤠᤒᤧ॥

⁴⁰ᤐᤋᤪᤢᤛᤧᤴ ᤐᤣᤀᤠᤱ ᤂᤧᤵᤔᤥᤒᤠ ᤁᤧᤖᤧᤰ ᤔᤏᤠᤜᤠ᤹ ᤕᤠᤰᤑᤠᤗᤠᤶ ᤗᤠ᤺ᤰᤁᤠᤳ ᤐᤠᤱᤄᤢᤛᤡ ᤜᤧᤰᤁᤩᤠᤱ ᤂᤢᤏᤧ᤹ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤋᤢᤘᤠ ᤆᤥᤃᤢᤀᤠᤱ ᤂᤧᤴ ᤁᤧᤛᤡ᤺ᤔᤠ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤔᤧᤳᤋᤢ. “ᤋᤒᤡᤋᤠᤀᤣ. ᤐᤥᤃᤧ᤹ᤀᤥ॥” ᤂᤧᤸᤗᤧ ᤁᤢᤔᤡᤰᤜᤠ᤹ ᤜᤴᤍᤢ. ᤜᤧᤰᤁᤩᤠᤱ ᤐᤋᤪᤢᤛᤧᤴ ᤏᤡ᤺ᤛᤢ ᤜᤧᤰᤁᤩᤠᤱ ᤐᤥᤃᤧᤀᤠᤱ ᤕᤢᤱᤛᤡᤱᤗᤥ॥

⁴¹ᤐᤋᤪᤢᤛᤖᤧ ᤁᤢᤜᤢᤰᤁᤥ ᤋᤧᤶᤛᤢᤀᤠᤱ ᤕᤧᤵᤛᤢ ᤜᤧᤰᤁᤩᤠᤱ ᤔᤣᤔᤣᤍᤢᤔᤠᤜᤠ᤹ ᤏᤢ ᤘᤣ᤹ ᤏᤛᤠᤏᤡᤒᤠᤜᤠ᤹ ᤐᤋᤪᤢᤛᤖᤧ ᤀᤢ᤺ᤳᤋᤢᤛᤡᤀᤠᤱ ᤂᤧᤴ ᤜᤢᤰᤛᤢᤵᤋᤢᤛᤡᤖᤥ॥