APOSETOLO EDIA KARA 9:38-41

³⁸Luda bona Iopa ena pada be daudau lasi, bona diba tahua taudia idia kamonai Petero be Luda dekenai ia noho. Inai dainai idia ese tatau rua idia siaia lao ia dekenai, idia noia, idia gwau, “Oi mai ai dekenai, oi naria lasi.”

³⁹Petero ia toreisi, idia danu ia lao. Idia ginidae, vadaeni ataiai daiutu dekenai idia hakaua daekau. Vabu hahine ibounai be Petero kahirakahira idia gini, idia tai noho. Bona Doreka ia mauri noho neganai ia karaia dabua ibounai, kouti bona hetaru idia hedinarai henia.

⁴⁰To Petero ese ibounai ia siaia murimuri dekenai. Bona ia tui diho, ia guriguri. Petero ese mase hahine dekenai ia giroa, ia gwau, “Tabita e, oi toreisi.” Vadaeni iena matana ia kehoa, Petero ia itaia, ia toreisi, ia helai.

⁴¹Bona Petero ese Tabita ena imana ia abia, ia haginia. Petero ese Iesu badinaia taudia, bona vabu hahine taudia dekenai ia boiboi, vadaeni mai mauri danu idia dekenai Tabita ia henia.