Aposel 9:38-41

³⁸O Lida i kis milau i kut o Jopa. Ma a ramano taro na ususer tagitong o Jopa, det sa longoro i lena o Pita i kis tong o Lida, ra det tulu ru aru musano toromi, ma der saringi lena, “Un maris met, ma un nan lakit torom met.”

³⁹Ra o Pita i wan tomo nam detul. Ra i wanpat, det ben pasi usapat una kukur rumu sapat netes. Ra a kum ula rop det tur talilis pasi ma det domos. Det ese a kum kolos ma a kum malu, ra o Dokas i mabon tar det ra i laun utmakai.

⁴⁰O Pita i tulu pirso ru det rop gusun a kukur rumu ra, i kis butkeke, ma i wararing. I tupukus torom a ino ra i mat, ma i watungi lena, “Tabita, un katutur.” Ra o Tabita i tamtama pat, ma i tama o Pita, ra i kis mut.

⁴¹Ra o Pita i pam pas a lamano, ma i ukatuturi. Numur i kabo pas a kum tene nurnur, ma a kum ula, ra i tulu tar o Tabita torom det, i sa laun.