10ᤜᤧᤰᤁᤩᤠᤱ ᤜᤠ᤺ᤳᤗᤧ ᤔᤧᤴᤇᤠᤶᤛᤠ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤑᤧᤴ ᤐᤠ᤺ᤴᤜᤠ᤹ ᤐᤠ᤺ᤳᤋᤢ᤹. ᤂᤧᤸᤗᤧ ᤗᤧᤵᤔᤡ ᤂᤥ᤺ᤔᤠ ᤛᤢᤰᤋᤢ᤹. ᤁᤖ ᤛᤣᤛᤣᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠ᤺ᤴ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤸᤗᤧᤴ ᤗᤧᤵᤔᤡ ᤔᤧᤄᤥ᤺ᤛᤢᤴᤗᤥ॥
11ᤔᤏᤠᤜᤠ᤹ᤖᤧ ᤂᤡᤏᤡ᤹ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤜᤧᤰᤁᤩᤠᤱ ᤛᤢᤜᤠᤱᤕᤢᤰᤐᤠᤜᤠ᤹ ᤏᤢ ᤜᤠᤱᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤂᤠᤛᤧᤴ ᤗᤥ᤺ᤶᤔᤠᤖᤧ ᤗᤠᤃᤡ ᤁᤧᤶᤍᤣ᤹ᤖᤡᤸᤗᤧ. ᤛᤧ᤺ᤵᤛᤡᤱᤔᤠᤖᤧ ᤗᤠᤃᤡ ᤌᤧᤔᤠ ᤐᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤛᤠᤶᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥
12ᤜᤠᤒᤠ ᤂᤧᤴ ᤕᤧᤶᤔᤥ ᤌᤣ ᤐᤠ᤺ᤵᤔᤠ ᤐᤥ᤺ᤱ ᤑᤠ᤹ᤀᤠᤱ ᤛᤣᤛᤣᤔᤠᤱᤅᤡᤸᤗᤧ ᤂᤡᤏᤡ᤹ ᤁᤧᤜᤢ᤹ᤖᤡ᤹ᤖᤥ॥”
13ᤜᤧᤰᤁᤩᤠᤱ ᤂᤧᤴ ᤔᤏᤠᤗᤢᤶᤔᤥᤗᤠᤶ ᤌᤡᤰ ᤔᤏᤠ᤺ᤸᤗᤧ ᤕᤧᤛᤢ᤺ᤴ ᤔᤧᤳᤋᤢ. “ᤛᤡᤰᤛᤠᤶᤒᤣ. ᤀᤠᤶᤓᤢ᤹ᤖᤧ ᤕᤠᤱᤛᤠᤁᤢᤴᤎᤣᤀᤥᤒᤠ ᤀᤡᤱᤃᤠ᤹ ᤀᤠᤗᤰᤁᤡᤴ ᤐᤡᤀᤠᤖ ᤑᤠ᤹ᤀᤠᤱ ᤔᤧᤳᤋᤠᤱ ᤐᤡᤖᤠᤱᤅᤧ᤹ᤀᤥ॥”
14ᤕᤧᤛᤢᤖᤧ ᤂᤧᤴ ᤏᤥᤃᤵ ᤐᤡᤖᤢ. “ᤗᤢᤱᤅᤠᤀᤣ. ᤜᤠ᤺ᤳᤗᤧ ᤀᤡᤱᤃᤠ᤹ ᤂᤡᤴᤇᤡ᤹ ᤗᤢᤶᤔᤥ ᤕᤠᤱᤛᤠᤁᤢᤴᤎᤣ ᤁᤧᤜᤠᤒᤠ ᤁᤧᤒᤡᤒᤠ ᤆᤥᤃᤠᤱ ᤀᤡᤃᤪ ᤂᤠᤛᤧᤴᤗᤥ᤺ᤶᤒᤠ ᤆᤥᤃᤠᤱᤒᤣ᥅”
15ᤜᤧᤰᤁᤩᤠᤱ ᤕᤧᤛᤢᤖᤧ ᤕᤠᤶᤔᤥ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤁᤠᤰ ᤂᤡ᤺ᤶᤕᤰ ᤆᤥ᤺ᤰᤔᤥᤗᤠᤶ ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ॥ ᤌᤣᤀᤠᤱᤓᤧᤸᤗᤧ ᤔᤏᤠ᤺ᤸᤗᤧ ᤁᤳᤋᤢᤒᤠ ᤔᤢᤸᤗᤢᤰ ᤕᤠᤱᤛᤠᤁᤢᤴᤎᤣᤀᤥ ᤂᤢᤏᤧ᤹ ᤛᤧᤰᤂᤠᤒᤠ ᤁᤢᤜᤡᤱᤔᤴᤏᤡᤴ ᤔᤧᤘᤠ᤹ᤏᤧᤴᤗᤥ॥”
16ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤂᤧᤍᤠ᤹ᤀᤥ ᤔᤧᤳᤋᤢᤛᤡ. “ᤌᤡᤰ ᤕᤠᤱᤛᤠᤁᤢᤴᤎᤣᤛᤠᤒᤠ ᤔᤏᤠ᤺ᤸᤗᤧ ᤕᤖᤡᤰ ᤐᤥᤃᤢᤃᤧᤴ ᤁᤢᤈᤠᤜᤠ᤹ ᤛᤢᤵᤛᤢ᤹ᤖᤥ॥
17ᤜᤧᤰᤁᤩᤠᤱ ᤂᤧᤸᤗᤧ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ ᤀᤡ᤺ᤳᤋᤢ. ‘ᤀᤠᤸᤗ ᤀᤡᤱᤃᤠ᤹ ᤌᤣ ᤆᤥᤃᤢᤱᤒᤣ᥅ ᤁᤴ ᤆᤠᤜᤠ᤹ ᤕᤢᤱᤔᤠᤍᤧᤴᤏᤣ ᤜᤥ᤺ᤵᤗᤥ॥’
ᤗᤢᤁᤠ 12
ᤗᤢᤁᤠ 12:10-17