27ᤂᤢᤏᤧ᤹ ᤐᤠᤖᤧᤖ ᤐᤳᤇᤧᤸᤗᤧ ᤂᤧᤵᤔᤥ ᤔᤏᤠᤗᤢᤶᤔᤥᤗᤠᤶ ᤌᤡᤰ ᤔᤧᤴᤇᤢᤔᤠ᤹ᤀᤡᤴ ᤕᤶᤒᤠ ᤀᤡᤰᤗᤠᤀᤥ ᤐᤠᤖᤧ. “ᤂᤢᤏᤧ᤹ ᤛᤠᤃᤧᤘᤠ᤺ᤶᤔᤠᤴ ᤜᤧᤰᤁᤩᤠᤱ ᤏᤢᤃᤧᤎᤢᤰᤔᤠᤱᤃ ᤔᤢ᤹ᤀᤡᤛᤠᤔᤠᤖᤥ॥”
28ᤁᤖ ᤕᤧᤛᤢᤖᤧ ᤐᤠ᤺ᤳᤋᤢ. “ᤜᤧᤰᤁᤣᤃ ᤔᤧ᤺ᤴ. ᤁᤖ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤁᤧᤄᤧᤶᤒᤠ ᤏᤢ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠᤜᤠ᤹ᤀᤣ ᤔᤢ᤹ᤀᤡᤛᤠᤒᤠᤛᤡᤖᤥ॥”
29ᤔᤏᤠᤜᤠ᤹ ᤂᤧᤵᤔᤥ ᤕᤖᤡᤰ ᤔᤧᤒᤥ᤺ᤖᤧᤖ ᤔᤧᤒᤣ᤺ᤸᤗᤧ ᤕᤧᤛᤢᤖᤧ ᤕᤠᤶᤔᤥ ᤔᤧᤳᤋᤢᤛᤡ. “ᤁᤴ ᤕᤧᤶᤔᤥᤒᤠ ᤔᤏᤠᤜᤠ᤹ ᤁᤢ᤹ᤀᤡᤃᤧᤓᤧ᤹ᤒᤠᤛᤡᤖᤥ॥ ᤁᤱᤜᤠ᤹ᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴ ᤔᤧᤃᤥ᤺ᤳᤋᤢ᤹. ᤁᤖ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤥᤏᤠᤖᤧ ᤁᤢᤔᤡᤰᤛᤣ᤺ᤴᤏᤠᤱᤎᤥ ᤘᤣ᤹ ᤔᤡᤰᤛᤣ᤺ᤴ ᤔᤧᤱᤄᤥ᤺ᤛᤢᤴᤗᤥ॥
30ᤀᤠᤰᤂᤣᤗ᤹ᤖᤡᤰ ᤕᤥᤏᤠ᤺ᤴ ᤏᤡᤏᤒᤣ ᤕᤧᤰᤕᤰᤐᤠ ᤔᤏᤠᤜᤠ᤹ᤖᤧ ᤗᤠᤃᤡ ᤔᤡᤰᤛᤣ᤺ᤴ ᤐᤥ᤺ᤰᤂᤧᤀᤠᤱ ᤘᤕᤧ. ᤂᤧᤴ ᤜᤧᤰᤁᤣᤀᤣ ᤔᤧᤴᤇᤠᤶᤛᤠ᤺ᤴᤏᤠᤱ ᤁᤴ ᤌᤠ᤺ᤰᤁᤡᤸᤗᤧ ᤗᤠᤃᤡ ᤔᤡᤰᤛᤣ᤺ᤴ ᤐᤥ᤺ᤱᤗᤥ॥
31ᤗᤠᤱᤃᤧᤳ ᤐᤡᤛᤠᤱᤒᤠ ᤛᤡᤘᤠ ᤗᤠᤈᤣ᤹ᤛ᤻ᤔᤠ ᤜᤠᤱᤔᤠᤴ ᤂᤠᤛᤧᤴ ᤕᤧᤴᤏᤥ ᤕᤧᤶᤛᤡᤱᤅᤠᤱ ᤁᤴ ᤕᤧᤶᤔᤥᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤐᤥ᤺ᤰᤁᤠᤱ ᤐᤠ᤺ᤴᤎᤡᤰᤋᤢᤛᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤛᤥᤗᤥᤔᤏ ᤜᤠᤱᤅᤡᤸᤗᤧᤴ ᤛᤡᤰᤁᤢᤶᤍᤡᤱ ᤂᤠᤜᤢᤴ ᤂᤧᤶᤛᤧ ᤛᤠ᤹ᤖᤡᤰ ᤔᤠ᤺ᤱᤄᤠᤒᤠ ᤗᤠᤈᤣ᤹ᤗᤠᤶ ᤋᤩᤧᤀᤠᤱ ᤘᤕᤧᤖᤥ॥ ᤁᤵᤔᤥ ᤛᤥᤗᤥᤔᤏ ᤜᤠᤱᤅᤡᤴᤏᤢ᤺ᤸᤗᤧ ᤐᤕᤶ ᤕᤶᤒᤠᤴ ᤘᤠ᤹ᤛᤠᤱ ᤁᤧᤱᤄᤧᤵᤛᤢᤶᤔᤡᤴᤗᤥ॥
ᤗᤢᤁᤠ 11
ᤗᤢᤁᤠ 11:27-31