ሉቃሴ 11:27-31

²⁷ዬሱሴ ዬያ ጌይ ኬኤዛኣና ፔቴ'' ላኣሊስኬና ዴሮ'' ባኣካ''ፓ ዑኡዞ ዼ'ጊዲ፦ «ኔና ሾዒ ዻንሢሤ፥ ዒንዴላ ዎዚ ዓንጂንቴያዳይ!» ጌዔኔ።

²⁸ዬሱሴ ጋዓንቴ፦ «ዓንጂንቴዞንሢ ፆኦሲኮ ቃኣሎ'' ዋይዚ ማዾይዳ ፔኤሻዞንሢኬ» ጌዔኔ።

²⁹ሚርጌ ዓሳ ሙኪ ዒዛ ኮይላ'' ቡካዛ ዬሱሴ፦ «ሃያ ዎዶ'' ዓሳ ማላታ ዛጋኒ ኮዓ ፑርታ ዓሲኬ፤ ጋዓንቴ ፆኦሲ ማሊፆ ኬኤዛ ዮናሴይዳ ማዺንቴ ማላታ''ፓ ዓታዛ ሜሌ'' ማላታ ዔያቶም ዒንጊንታዓኬ።

³⁰ፆኦሲ ማሊፆ ኬኤዛ ዮናሴ ኔኔዌ ካታሞ ዓሶም ማላታ ማዔሢጉዲ፥ ዓሲኮ ናዓሢ ሃያ ዎዶ'' ዓሶም ማላታ ማዓንዳኔ።

³¹ዓባ'' ኬስኪ ጌላ ካሮ''ኮ ዾኦሎ'' ዛሎ'' ዓጫ''ፓ ሙኬ ካኣቴላ ጋፒንፆ ዎጎ ኬሎ''ና ዔቂ ዔያቶ ዑፃ ዎጋንዳኔ፤ ዓይጎሮ ጌዔቶ ዒዛ ሴሎሞኔኮ ዔራቶ ዋይዛኒ ዓጮ''ኮ ጋፒንፆይዳፓ ሙኬኔ፤ ጋዓንቴ ሓይሾ ሴሎሞኔይዳፓ ባሼ ሃይካ ዓኣኔ!