ሉቃሴ 7:36-44

³⁶ፔቴ'' ፔርሴ ዓሲስኬይ ዬሱሴ ሙኡዚ'' ሙዓንዳጉዲ ዔኤላ''ዛ ዬሱሴ ዬያ ዓሢ ማኣሪ ጌሊ ሙዓኒ ዴዔኔ።

³⁷ዬኖ ካታሜሎይዳ ፔቴ'' ጎሜና ዓኣ፥ ላኣሊስኬና ዓኣኔ፤ ዬሱሴ ፔርሴ ዓሢ፥ ሲሞኦኔ ማኣሮይዳ ሙዖም ዔኤሊ''ንቴሢ ዒዛ ዋይዛዖ ሳውቃ ቲሺ ሹቺ ቢልቃፄና ኩንሢ ዔኪ ሙኪ፥

³⁸ዬሱሴኮ ጊንፆ ዛሎ''ና ቶኮ'' ዓጫ ዔቂ፥ ዬኤኪ ዬኤኪ ዒዛኮ ቶኮ''ዋ ፔ ዓቢፆና ማስኪ ፔኤኮ ቶኦኮ'' ጋሞና ዑጫኔ፤ ሃሣ ቶኮ'' ዒዛኮ ሄርቂያ ሄርቂ ሳውቃ ቲዦናኣ ቲሽካኔ።

³⁹ሙዖ ዒዚ ሙዖም ዔኤሌ'' ፔርሴ ዓሢ ዬያ ዛጌ ዎዶ''ና፦ «ሃይ ዓሢ ፆኦሲ ማሊሢ ኬኤዛ ዓሲ ማዔቴ፥ ሃና ዒዛኮ ዑፆ ፒፃ'' ላኣሌላ ዖና ማዔቶ ሃሣ ዎዚጉዴ ጎሜና ዓኣያ ማዔቴያ ዔሬያናንዳኔ» ጌይ ፔ ዒኖና ማሌኔ።

⁴⁰ዬሱሴያ ፔርሴ ዓሢ ኮይላ''፦ «ሲሞኦኔ! ፔቴ'' ታ ኔኤም ኬኤዛ ባኣዚ'' ዓኣኔ» ጌዔኔ። ዒዚ፦ «ዔርዛሢዮ! ሂንዳ ታኣም ኬኤዜ» ጌዔኔ።

⁴¹ዬሱሴያ ሂዚ ጌዒ ሃይሶ ኬኤዚሢ ዓርቄኔ፦ «ፔቴ'' ዓሲዳፓ ሚኢሼ ታልዔ ላምዖ ዓሲ ዓኣኔ፤ ፔቴ''ሢ ዶንጎ ፄኤታ ኬሊ'' ማዾ ማዼም ዒንጊንታ ቢራ፤ ባጋሢ ሃሣ ዶንጊታሚ'' ኬሊ'' ማዾ ማዼም ዒንጊንታንዳ ቢራ ታልዒ ዔኬኔ።

⁴²ላምዖንሢ ዔያታ ታልዒ ዔኬ ሚኢሾ ጪጎ ባሺንቴም ታልዔሢ ዔያቶኮ ጋሎ'' ማሂሱዋዖ ሃሼ''ኔ፤ ዓካሪ ጋሎ'' ዓሶ ላምዖንሢዳፓ ዎይ ባሼ ታልዔ ዓሢ ናሽካንዳያ ማላይ?» ጌዔኔ።

⁴³ሲሞኦኔያ፦ «ሚርጌ ጋላ'' ዓቴ'' ዓሢ ባሼ ዒዛ ናሽካንዳያ ማላኔ» ጌይ ማሄኔ። ዬሱሴ፦ «ኔ ጌዔሢ ጎኔኬ» ጌዔኔ።

⁴⁴ዬካፓ ዬሱሴ ላኣሌሎ ባንሢ ሺራዖ፦ «ሃኖ' ላኣሌሎ ኔ ዛጋ? ታ ኔ ማኣሪ ጌላዛ ኔኤኒ ታ ቶኮም ዋኣሢታዖ ዒንጊባኣሴ፤ ዒዛ ጋዓንቴ ቶኮ ታኣኮ ፔኤኮ ዓቢፆና ማስኪ ፔ ቶኦኮ'' ጋሞና ዑጬኔ።