स्तोत्र. 75:5-10

⁵विजयाविषयी इतकी खात्री बाळगू नका; आपले डोके उंच करून बोलू नका.

⁶विजय पूर्वेकडून नव्हे, पश्चिमेकडून किंवा रानातूनही येत नाही.

⁷पण देव न्यायाधीश आहे; तो एकाला खाली करतो आणि दुसऱ्याला उंच करतो.

⁸कारण परमेश्वराने आपल्या हातात फेसाळलेला पेला धरला आहे, त्यामध्ये मसाला मिसळला आहे आणि तो ओतून देतो. खात्रीने पृथ्वीवरील सर्व दुर्जन शेवटल्या थेंबापर्यंत पितील.

⁹पण तू काय केले हे मी नेहमी सांगत राहीन; मी याकोबाच्या देवाला स्तुती गाईन.

¹⁰तो म्हणतो, मी दुष्टांची सर्व शिंगे तोडून टाकीन, पण नितीमानाची शिंगे उंच करीन.