MELKAHKA KAN 75:5-10

⁵I kin ndaiong irail re en tokedihsang arail aksuwei.”

⁶Kopwung sohte kin kohdo sang ni palimese de palikapi, de paliepeng de palieir;

⁷Koht iei sounkopwung, rehn Koht ekei kin pakadeikada oh kalokolok a ekei kin kasaledekla.

⁸KAUN-O kin ketiki kep ehu nin lime, diren wain kehlail en sapwellime engieng. E kin ketikihong aramas suwed akan koaros pwe re en nim; re kin nimala koaros oh wekidedi.

⁹Ahpw I sohte pahn tokedihsang lohkiseli duwen Koht en Seikop de kokoulkihong koulen kaping.

¹⁰E pahn ketin kauwehla manaman en aramas suwed kan, e ahpw pahn ketin kakehlakahla manaman en aramas pwung kan.