स्तोत्र. 73:20-24

²⁰जागा झालेल्या मनुष्यास जसे स्वप्न निरर्थक वाटते; तसे हे प्रभू, जेव्हा तू जागा होशील, तेव्हा त्यांचे ते स्वप्न तुच्छ मानशील.

²¹कारण माझे हृदय दुःखीत झाले होते, आणि मी खोलवर घायाळ झालो.

²²मी अज्ञानी होतो आणि सूक्ष्मदृष्टीची उणीव होती; मी तुझ्यापुढे मूर्ख प्राण्यासारखा होतो.

²³तरी मी तुझ्याबरोबर नेहमी आहे; तू माझा उजवा हात धरला आहे.

²⁴तू आपल्या उपदेशाने मला मार्ग दाखवशील आणि त्यानंतर तू मला गौरवात स्वीकारशील.