स्तोत्र. 147:15-20

¹⁵तो आपली आज्ञा पृथ्वीवर पाठवतो; त्याचा शब्द फार वेगाने धावतो.

¹⁶तो लोकरीसारखे बर्फ पसरतो; तो राखेसारखे दवाचे कण विखरतो.

¹⁷तो आपल्या गारांचा बर्फाच्या चुऱ्याप्रमाणे वर्षाव करतो; त्याने पाठवलेल्या गारठ्यापुढे कोण टिकेल?

¹⁸तो आपली आज्ञा पाठवून त्यांना वितळवितो; तो आपला वारा वाहवितो व पाणी वाहू लागते.

¹⁹त्याने याकोबाला आपले वचन, इस्राएलाला आपले नियम व निर्णय सांगितले.

²⁰त्याने हे दुसऱ्या कोणत्याही राष्ट्रासाठी केले नाही; आणि त्यांनी त्याचे निर्णय जाणले नाहीत. परमेश्वराची स्तुती करा.