31मिनु येसुमी आ कली थमा सुइक्ब यहूदी आन कली “गेपुकी आं देंशो पना पन बाक्तीनी हना, थमा पा आं शेंसीब ननी। यूहन्ना १५:७
32थमा माइश्शो सु बाक्मे, दे तुइक्नीनी। मिनु थमा माइश्शोमी इन कली प्रोंइब” दे येसुमी देंत।
33मेकोपुकीमी “गो अब्राहाम आ चच युइ नकी। मुल सम्म गो सुइ आन वाइलीम वाइल मदुम्शो बाक्तक। मारदे ‘थमा माइश्शोमी इन कली प्रोंइब’ देंनीनी?” दे हिल्लो पाम्तेक्म। मत्ती ३:९
34येसुमी “नोफा दाइश्शा नेनीन, सु सुमी पाप पाइनीमी, मेको पाप आ वाइलीम वाइल बाक्नीम।
35वाइलीम वाइल खिं ङा मुर मबाक्नीम, तौ चहिं खिं ङा मुर बाक्ब।
36मिनु तौमी इन कली प्रोंइतु हना, गेपुकी थमा पा प्रोंइसीशो मुर दुम्नीनी” देंत। रोमी ६:१६,१८,२२
37मिनु येसुमी “गेपुकी अब्राहाम आ चच युइ ननी, दे गो तुइक्नुङ। मोपा यो गे आं कली साइक्चा माल्नीनी। मारदे हना आं लोव़ नेंशा यो, थमा मसुइक्नीनी।
38गो आं आफ आ पशो तशा, शेंनुङ। गेपुकीमी चहिं इन आफ आ देंशो नेंशा, मार मार पाइनीनी” दे माइक्तीमी।
39मेकोपुकीमी “गो आंइ आफ अब्राहाम बाक्ब” देंमानु, येसुमी “गेपुकी अब्राहाम आ चच युइ ननी हना, अब्राहाम आ पशो गेय खोदेंशो पनी वा।