26मिनु एकेर बाक्शा, मुर नेल्ल आन कली शेंब। मेको कली मारेइ मदेंनीमी। मिनु ठेयब मुरपुकीमी ‘एको ख्रीस्त बाक्त’ दे थमा पा तुइक्ताक्मे?
27गोपुकीमी चहिं मेको मुर ते रे जाक्मे, दे तुइक्नीकी। तन्न ख्रीस्त जाक्त हना, ते रे जाक्बा, दे सुइमी मतुइक्नीम” दे देंमुम्तेक्म। हिब्रू ७:३
28मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्नीनी। मिनु गो ते ङा नङ, मेको यो तुइक्नीनी? आंमा मिम्शा मजाक्ङ। तन्न आं कली सोइक्ब थमा पा परमप्रभु यावे बाक्ब। मिनु गेपुकीमी मेको कली मतुइक्नीनी।
29गो चहिं मेको कली तुइक्नुङ। मारदे हना गो मेको आ बाक्तीक रे जाक्शो नङ। मेकोम आं कली सोइक्ताक्यी” दे शेंताक्मी। मत्ती ११:२७