35मिनु शोब्ले आ गुइमी शेशा, प्रभु कली “गे रिम्शो पाइब बाक्नीनी” देंशा, जिक्शा नेल्ल आंइ कली योक्तु।
36मिनु नेल्ल आंइ थुं बारशा जाइतक।
37मेको जहाजमी २७६ जना मुर बाक्शो नकी।
38मिनु रूथ्री जशा, जहाजमी कुर पशो चेरब ताइक्ताक्म।
39मिनु नां सोव़मेनु, मेको ङोंइती तांइसीशो रागी मार रागी बाक्मे, दे मतुइक्तक। बाल्वा ला तांइसाक्व।
40मेको बाल्वा बाक्तीके चाक्दीश्शा, जहाज तिक्तीके ख्रोइश्शा, ब्वाक्कुमी प्रोंइतेक्म। मिनु चलेतीके आ डोरी प्राक्शा, वा क्युक्शा वोइश्शा, फशेमी जहाज कली गाक्पा बाल्वा गे लाइक्तेक्म।
41मो पामेनु, जहाज बाल्वामी ओव़दीश्शा, आ शोव़ ग्रुक्साक्व। आ मीलु चहिं ब्वाक्कुम आप्शा जिक्त।