Acts 27:35-41

³⁵Nikona i wonei murinai, bread i yauni ba ereonowasi naosi yai, God kurina i kaikaiwa. Damanina ba i kiyatomni ba i kani.

³⁶Ba nikona si kinani wai nuwanuwasi i tora ba ereonowasi si kam.

³⁷Ba ereonowakai wakai ka geru wai ama 276 rubana ka geru.

³⁸Si kam siyabagi i kakaba murinai, waka bi tapeyanina kairavina wai wheat si garu kikirana ku boga.

³⁹Mara i tom wai kupura si buruburuwei saba moyu segasegana si kitai, ba si damanina kata waka nakai siti garu geyei.

⁴⁰Sopo uramisi si yaraga ba bogai si boterisi si sonaga, ba yabiyabi uramisi si botavetaveyana ba waka naona kukana si taina geyei, ba ku sibe matana si tupa tatari, ba waka ku tore mena si vera geyei.

⁴¹Saba waka sega maraetena i gaeni wai, kona i ravi ba naona i garu geyei. I kirai wai kega rubana ita bokwayo, ba waka murina yoyo kaikaposi si kasi rikarikai.