Aposel 27:35-41

³⁵Bret ta yei ge Pol amblo i God wopake we dje awo, buko dje noi.

³⁶Noika una porapora kanmaka, yenekne kumbene ge arngan yeika, alla kwa i noi.

³⁷No una sip al mopin ge 276 mopin.

³⁸Kambono kwa no kere, sip wu djinda dje pille, plawa bek yei ge i pup to nu al wori.

³⁹Kam tagika nambis manda wopinka, boskru dumo ge kanpol natoi. Ba dumo ta kani ge nu er pakna pi al nambis dumo wopake ta yei. Boskru dumo wopake yei al ge manda po pambon dje pi.

⁴⁰Pille anka sip amblo gi dje pagi ge, kaye kelip to nu al woro keri. Sip stiaye ka to dongall ye pagi ge, alla piska to wori. Sel i pla woro takmaka, kopo wo toika, nambis djeke bon dje kani al ge er pi.

⁴¹Er pi ba sip gume po okup al bolo gi dje pai. Paika, kopo woika, nu pembul dje woika sip mopiye al to djerpall yei.