1इस्राएलीपुकी इजीप्त रे जाक्मा आ बर्स निक्शी, महिना निक्शी ङा ङोंइती ङा नाक्त परमप्रभु यावेमी सीनै ङा रागीमी बाक्शो ग्रुम्तीक ताम्बुमी मोसा कली लोव़ पाप्तु। प्रस्थान ४०:१७
2मिनु मेकोमी “गे इस्राएली वोंइश मुर आन थर थर नु आन खिं खिं पा नेल्ल आन नें ब्रेक्चा माल्नेवे। उत्पत्ती ३५:२३-३६; प्रस्थान ३०:१२
3इस्राएलमी २० बर्स गाप्शो नु मेको क्येङा लाक्शो लडाइम लने चाप्ब मुर नेल्ल आन कली गे नु हारूनमी लडाइ पचा कली खुप्शा वोइक्चा माल्नीसी।
4मेको नेल्ल आन थर रे मुर का कामी इस कली वारच पचा माल्नीम। मेको मुर आन खिं ङा ठेयब मुर बाक्चा माल्नीम।
5मिनु सु सुम इन कली वारच पचा माल्नीम देंशा हना, रूबेन आ थर रे शेदेउर आ तौ एली-सुर,
6सिमियोन आ थर रे सुरी-शदै आ तौ शेलुमीएल,
7यहूदा आ थर रे अम्मीनादाब आ तौ नहशोन, प्रस्थान ६:२३