Ni Gi 1:1-7

¹Na mugana parava na ruana keva na ruana pida muri ne huriki a Israel ri pea e Egipto, e BAKOVI DAGI i ta turane Moses pololilo na Kape na Vaponga na tabeke i ngeki ne Sinai. I ta maea,

²“Ioe turane Aron muru gi a rane huriki a bakovi ne Israel, muru here ramai a kabu ne ria, a rane ria.

³Muru here puru, ge ramai a tara ne ria, a rana e huriki a bakovi lobo o Israel ri tahoka a pida i ravulu rua i rike, ri kara ni vaubi, ge ria a nugumaheto.

⁴Muru vulaki a bakovi a garena kabu takutaku ne Israel ge tuhori marua.

⁵“A bakovi ri gi tuhori marua na leho, ra nga: na kabu ne Reuben, muru bolea e Elisur, e tune Sedeur.

⁶Na kabu ne Simion, muru bolea e Selumiel, e tune Surisadai.

⁷Na kabu ne Iuda, muru bolea e Nason, e tune Aminadab.