12मार, एको इश ङा मुर आं आल नमी ङा? मार, गो मेको आन कली थिङमी ङा? गे आं कली ‘दूध तूब आल कली आ आममी कुरशा लाइश्शो खोदेंशो पा, आंइ किकी पिपी आन कली इन गेशो रागीमी कुरशा लावो’ देंनीनी।
13गो इश ङा मुर आन ब्वतीक श्ये ते थित्नुङ ङा? मिनु मेकोपुकीमी आं कली ‘श्ये ब्वचा गेकी’ दे जाक्शा ङाक्तेक्म।
14गो इश ङा मुर आन कली खुल्ने मचाप्नुङ। एको आं मचाप्चा ङा गेय बाक्ब।
15मिनु गे आं कली ओदेंशो पाइक्तीनी। मिनु गो इन शिशी ताता हना, साइय्यीनी। मिनु गो आं खतम दुम्तीके तचा ममाल्नुङ” देंत। प्रस्थान ३२:३२
16मिनु परमप्रभु यावेमी मोसा कली “गे इस्राएली आन दाते रे ७० जना खाल्पा आन कली खुप्तीमी। मेको आन मुर आन दाते ङा ठेयब मुर नु मेको आन कली सासन पाइब मुर दुम्चा माल्नीम। मिनु गे मेको आन कली तुइक्चा माल्नेवे। मिनु मेको आन कली ग्रुम्तीक ताम्बुमी चाक्मी। मिनु मेकोपुकी गे नु बाक्चा माल्नीम। प्रस्थान १८:२१-२६; प्रस्थान २४:९-११
17मिनु गो यिशा, गे नु लोव़ पाइनुङ। मिनु गो इ आगामी बाक्शो सोक्त रे लाइश्शा, मेको आन तारी वोइक्नुङ। मिनु मेकोपुकीमी गे नु गारशा, मेको मुर आन श्येत कुरनीम। मिनु गे का ला कुरचा ममाल्नेवे।
गन्ती 11
गन्ती 11:12-17