1जोक्ब तुइक्ब मुर खोदेंशो सु बाक्बा? एको लोव़ आ अर्थ सुम तुइक्बा ङा? जोक्तीक तुइक्तीकेमी मुर आन कुल हाक्शो सेल्ब। मिनु मेको आ किक्शो कुल फाइश्शा रिम्शो सेल्ब।
2पिप आ देंशो टिवो। मारदे हना गे परमप्रभु आ ङोंइती कसम जाप्तीवी।
3पिप आ बाक्तीक रे गाक्चा कली मचुइक्तो। गे मरिम्शो मपावो। मारदे हना पिपमी मार पचा दाक्बा, मेको पाइब।
4पिप आ लोव़मी सक्ति बाक्ब। सुम मेको कली “हजुर, गे मार पनी” देंने चाप्बा?
5सुम परमप्रभु आ शेंशो टीबा, मेको कली मारेइ मरिम्शो मदुम्ब। मिनु जोक्ब तुइक्ब मुरुमी ठीक गेय पची ना गेय पस जोक्ब।
6मुरुमी मार मार पाइनीमी, मेको पतीके ना नु निसाफ पची ना बाक्ब। मुर आन मरिम्शो पतीकेम मुर आन कली दिप्ब। उपदेसक ३:१
7नोले ङा लोव़ सुइमी मतुइक्नीम। मोपतीके सुइम मुर आन कली नोले मार दुम्बा, मेको देंने मचाप्नीम। उपदेसक १०:१४
8फश कली तेक्शा वोइक्तीक सक्ति सुइ के मबाक्ब। मोपान आंम बेक्तीक नाक्त कली सुइमी तेक्ने मचाक्ब। दोपा लडाइ पची ना सुइ खिं लचा मताइनीमी, मोपान मरिम्शो पतीकेमी मरिम्शो पाइब कली गेनायो मप्रोंइब।
9गो रागीम पशो नेल्ल कोव़ङुनु, नेल्ल ताता। सक्ति पाइश्शो मुरुमी अरु आन कली दिप्शा वोइक्नीम।
उपदेसक 8
उपदेसक 8:1-9