8मूर्ख मुर क्येङा जोक्ब तुइक्ब मारम रिम्शो बाक्नीमी? प्रुङग मुर अर्को आन ङोंइती रिम्शो पस जोक्शा, मार ताइबा ङा?
9मार मार माल्नुङ, दे शुश मिम्चा क्येङा आ तशोम ग्येरसीशा बाक्चा रिम्शो बाक्ब। मेको यो जाम्शा लाइब नु फश कली खेदा पशो खोदेंशो बाक्ब।
10मार बाक्बा, मेको नेल्ल आन नें वोइक्ने थुम्शो बाक्ब। मिनु मुर आ थुंम मार बाक्बा, मेको तुंइसीब। आंम क्येङा बोल्यो मुर कली सुइमी मारेइ देंने मचाप्ब। अय्युब ९:२-४,३२
11मेको शुश लोव़ पाप्तु हना यो, मेको क्येङा शोर गाक्शो बाक्ब। मिनु तेको रिम्शो बाक्बा?
12मुर इच्का नाक्त ब्रोंइब बाक्ब, मार रिम्शो बाक्मे, मेको सुम तुइक्बा ङा? मुर आ नाक्त वांकु खोदेंशो पा लाक्ब। मेको बेक्शा लम नोले मार दुम्बा, दे सुम देंने चाप्बा ङा? १इतिहास २९:१५; भजन संग्रह १४४:४
उपदेसक 6
उपदेसक 6:8-12