ܡܙܡܘܪ̈ܐ 78:1-8

¹ܗܲܒ݂ܠܔ ܢܵܬܵ‌ܐ، ܝܵܐ ܥܲܡܝܼ، ܠܢܵܡܘܿܣܝܼ، ܨܲܠܹܝܡܘܼܢ ܢܵܬܵܘܟ݂ܘܿܢ ܠܗܹܡܸܙܡܵܢܹ̈ܐ ܕܦܘܼܡܝܼ.

²ܒܸܬ ܦܵܬܚܹܢ ܒܡܲܬܠܵܐ ܦܘܼܡܝܼ، ܒܸܬ ܡܲܢܒܸܥܸܢ ܩܸܨܸܡ̈ܝܵܬܹ‌ܐ ܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ،

³ܐܲܝܢܝܼ ܕܫܡܝܼܥ ܠܲܢ ܘܝܕܝܼܥܵܝ ܠܲܢ، ܘܐܲܒ݂ܵܗܵܬܲܢ̈ ܗܘܼܩܹܐ ܠܗܘܿܢ ܐܸܠܲܢ.

⁴ܠܹܐ ܛܲܫܲܚ ܠܗܘܿܢ ܡ̣ܢ ܒܢܘܿܢܵܝ̈ܗ‌ܝ، ܠܬܵܘܠܲܕܬܵ‌ܐ ܐܚܹܪܬܵ‌ܐ ܗܲܩܘܼܝܹܐ ܬܸܫܒܘܿܚܝܵܬܹ̈‌ܐ ܕܡܵܪܝܵܐ، ܘܚܲܝܠܹܗ ܘܥܲܓ̰ܝܼܒܘܼܝܵܬܘܼ̈ܗ‌ܝ ܕܥܒ݂ܝܼܕ ܠܹܗ.

⁵ܒܗ̇ܝ ܕܡܘܼܩܸܡ ܠܹܗ ܣܵܗܕܘܼܬܵ‌ܐ ܓܵܘ ܝܲܥܩܘܿܒ݂، ܘܢܵܡܘܿܣܵܐ ܡܘܼܬܸܒ݂ ܠܹܗ ܓܵܘ ܐܝܼܣܪܵܐܹܝܠܔ، ܕܦܩܝܼܕ ܠܹܗ ܠܐܲܒ݂ܵܗܵܬܲܢ̈، ܠܡܲܕܘܼܥܵܝ ܠܒܢܘܿܢܵܝ̈ܗ‌ܝ.

⁶ܩܵܐ ܕܝܵܕܥܵܐ ܬܵܘܠܲܕܬܵ‌ܐ ܐܚܹܪܬܵ‌ܐ، ܒܢܘܿܢܹ̈ܐ ܕܦܵܝܫܝܼ ܝܠܝܼܕܹܐ، ܩܵܝܡܝܼ ܘܗܲܩܝܼ ܠܒܢܘܿܢܵܝ̈ܗ‌ܝ،

⁷ܕܡܲܬܒ݂ܝܼ ܒܐܲܠܵܗܵܐ ܬܘܼܟ݂ܠܵܢܵܝܗ‌ܝ، ܘܠܵܐ ܢܵܫܝܼ ܦܘܼܠܚܵܢܹ̈ܐ ܕܐܲܠܵܗܵܐ، ܐܝܼܢܵܐ ܢܵܛܪܝܼ ܠܗܘܿܢ ܦܘܼܩܕܵܢܘܼ̈ܗ‌ܝ.

⁸ܘܠܵܐ ܗܵܘܝܼ ܐܲܝܟ݂ ܐܲܒ݂ܵܗܵܬܵܝ̈ܗ‌ܝ، ܬܵܘܠܲܕܬܵ‌ܐ ܩܫܝܼܬܵ‌ܐ ܘܡܵܪܘܿܕܬܵ‌ܐ، ܬܵܘܠܲܕܬܵ‌ܐ ܕܠܵܐ ܡܘܼܩܘܹܐ ܠܵܗ̇ ܠܸܒܘܼܗ̇، ܘܠܵܐ ܗܘܹܐ ܠܵܗ̇ ܪܘܼܚܘܼܗ̇ ܡܗܘܼܡܸܢܬܵ‌ܐ ܒܐܲܠܵܗܵܐ.