Sabóor 78:1-8

¹Muy taalif bu giiroo ci Asaf. Yeen sama xeet, dégluleen, ma digal leen; teewluleen ma, ma wax leen.

²Maa ngi leen di léeb, di sulli kumpay démb,

³muy lu nu dégg, xam ko, sunuy maam xamal nu ko.

⁴Dunu ko nëbb sunuy doom, xanaa di ko jottli maas giy ñëw, xamal leen jaloorey Aji Sax ji ak kàttanam aki kéemaanam.

⁵Bindal na sëti Yanqóoba téereb seede, muy yoon wi mu tegal Israyil. Mu sant maam yi, ñu xamal ko seeni doom,

⁶ngir ñiy juddu ëllëg xam ko, am ay doom, ñu màgg, ba xamal ko seeni doom,

⁷ngir ñu wóolu Yàlla, baña fàtte jëfi Yàlla, di jëfey santaaneem,

⁸te baña roy seeni maam; maas gu të woon te déggadi, ñu ñàkk pastéef te sàmmuñu kóllërey Yàlla.