5ܦܝܼܫ ܠܗܘܿܢ ܣܠܝܼܒܹܐ ܙܲܪ̈ܒܵܢܹܐ ܕܠܸܒܵܐ، ܛܡܝܼܪܗܘܿܢ ܒܫܸܢܬܵܝܗܝ، ܘܐܘܼܦ ܚܲܕ ܡ̣ܢ ܩܪ̈ܲܒ݂ܬܵܢܹܐ ܠܵܐ ܡܨܹܐ ܠܗܘܿܢ ܡܲܪܡܝܼ ܐܝܼܕܵܝ̈ܗܝ.
6ܡ̣ܢ ܢܓ̰ܵܘܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂، ܥܒ݂ܝܼܪܗܘܿܢ ܒܫܸܢܬܵܐ ܝܲܩܘܼܪܬܵܐ، ܐܘܼܦ ܪܲܟܵܒ݂ܵܐ ܐܘܼܦ ܣܘܼܣܵܐ.
7ܐܲܢ݇ܬ، ܣܲܗܡܵܢܵܐ ܝܘܸܬ، ܐܲܢ݇ܬ، ܘܡܵܢܝܼ ܡܵܨܹܐ ܟܵܠܹܐ ܩܲܕܡܘܼܟ݂ ܒܥܕܵܢܵܐ ܕܚܸܡܬܘܼܟ݂؟
8ܡ̣ܢ ܫܡܲܝܵܐ ܡܘܼܫܡܸܥ ܠܘܼܟ݂ ܕܝܼܘܵܢ، ܙܕܝܼܥ ܠܵܗ̇ ܐܲܪܥܵܐ ܘܗܘܹܐ ܠܵܗ̇ ܫܠܝܼܬܵܐ،
9ܟܲܕ ܩܝܼܡ ܠܹܗ ܐܲܠܵܗܵܐ ܠܕܝܼܘܵܢ، ܠܦܲܪܘܼܩܹܐ ܟܠܵܝܗܝ ܡܘܼܠܝܸܨܹܐ ܕܐܲܪܥܵܐ. ܣܹܠܵܗ
10ܣܵܒܵܒ ܚܸܡܬܘܼܟ݂ ܠܒܲܪܢܵܫܵܐ ܒܸܬ ܡܲܝܬܝܵܐ ܫܲܟܲܪܬܵܐ، ܘܦܵܝܫܵܢܬܵܐ ܕܚܸܡܬܵܐ ܒܸܬ ܡܲܟܠܹܝܬ.